ريهام سعيد تكشف أسباب استضافتها لـ«سما المصري»
كشفت الإعلامية ريهام سعيد، سبب استضافتها الفنانة الاستعراضية سما المصري، غدًا في برنامجها «صبايا الخير».
وأضافت خلال برنامجها المذاع على فضائية «النهار»: «بكرا سما هتكون معانا عشان نرد على الناس اللي قالت إننا ضربنا بعض قبل كده.. أنا وسما، مش أعداء ولا أصحاب».
وقالت: «لو سما رشحت نفسها في الانتخابات البرلمانية المقبلة، فأنا لازم أسألها، على أساس أيه هي عايزة ترشح نفسها.. ولكن السؤال الأكبر، اللي بيفرض نفسه، وعايزه أسأله، هل سيتم السماح لها بترشيح نفسها!؟".
وأشارت إلى أنها ستقوم بسؤال سما، عما إن كانت ستشرع قوانين جديدة لمصر، وهتمثل الشعب، مؤكدة: «سما بكرا جاية بمنتهي الجرأة، وهنفتح التليفونات للمشاهدين، لو حد عايز يسألها عن حاجة».
