بمناسبة عيد المنيا القومى.. شعر "المنيا دى بلدى"
غنوا الغناوى فى عيدى.. منياوى أنا وصعيدى
شايلك يا مصر فى قلبى حاضنك يا منيا بإيدى
...
منياوى م الأشمونين.. بلديا طه حسين
قمح الغيطان علمنى.. أراعيها لو بالعين
والعلم ويّا الفنون سابهم لى إخناتون
حلفنى أعشق بلادى وأهتف لها بنشيدى
...
منياوى وبلادى جنه تشهد تل العمارنة
تشهد كل الأماكن اللى ترابها فتنا
شيللاه سيدى يا فولى إحكى يا دنيا وقولى
بركة عمت وادينا.. جريت دم ف وريدى
...
منياوى كريم وطيب.. لبعيد ولا لقريب
ملحمتى ف ديرمواس.. بتقول يا صبر طيب
هنا للشهدا ضريح.. وخطاوى للمسيح
ماريا القبطية منا.. نور الإسلام دا عيدى
...
كلمات من إهداء مختار عبد الفتاح - شاعر منياوى
