بالفيديو.. صاحب محل أحذية يستغيث بـ"محلب".. موظف بمجلس الوزراء توعده بالسجن وقطع رزقه بسبب رفضه تلميع حذائه.. حرر محضرا كيديا ضده وأهانه بألفاظ خارجة.. وهدده: "عشان تعرف أنا أقدر أعمل أي حاجة"
«بيهددني بالحبس أنا وولادي، ويقفلي المحل، علشان مارضتش أمسح ليه الجزمة» كلمات بدأ بها مواطن أمام مكتب الشكاوى مجلس الوزراء، ولا يعرف إلى من يقدم شكواه، أي يقدم المجني عليه شكوى للجاني.
تلميع الحذاء
عم محمود شاكر، صاحب محل أحذية بشارع حسين حجازي، هدده موظف مختص بتلقي شكاوى المواطنين لعرضها على مجلس الوزراء، بإغلاق محله وحبسه مع نجله، بسبب رفضهما تلميع حذائه.
قال عم "محمود" يبلغ من العمر 60 عاما: « بقالى 50 سنة شغال في مهنة تصنيع الأحذية، وليا زبائن من صفوة المجتمع بمختلف الطبقات ودايما شغال في حالي قدام المجلس وماليش دعوة بالمشاكل».
تهديد بالحبس
وأضاف: «في يوم دخل عليا موظف من الناس إللي شغالين في المجلس علشان ألمع ليه جزمته، وكأنه قرفان مني، قلت له ماعنديش ورنيش، أنا بصنع بس، فرد عليا بألفاظ خارجة، وهددني بالحبس أنا وابني، وأنه يقفل المحل، وبعدها بكام يوم لقيت البوكس جاى وأخدوا ابني «أشرف»، وبعدها اتنازل عن المحضر اللى كتبه ضدى، وقالي علشان تعرف أني أقدر أعمل أي حاجة».
استغاثة بمحلب
وتابع: «نفسي أقدم شكوي للمجلس، بس لقيته هو اللي بيستلم الشكاوى، هروح أقدم ليه الشكوي اللي أنا كاتبها وبشتكى فيها منه، نفسي رئيس الوزراء يبص ليا قبل ما يستخدم سلطاته ويسجني أنا وابني».
