"أمي" شعر لـ"محمد عاطف عبدالمنعم"
تعبت من بعدك يا أمي
فين حضنك لما تضمي
وبدعوه تفتح بيبان
وترقي الرقوة وتسمي
ياما كنت أروح لك أشكي
روحي تهدي لما أحكي
ضحتك تزيد لي ضحكي
وانسى بيها كل همي
قلبك ياريته ما كان صافي
ولا كان ف يوم حبني
يا أمي كنتي عليا خافي
الذكرى بعدك تهدني
أنا لسة فاكر يوم زفافي
دموعها نزلت تزفني
ياما حاولت تداري فيها
جوه ضحكة من عنيها
ياحبيبتي يا نور عنيا
دمعتك أنا مش ناسيها
حالي بعدك بجد يعصب
نفسى أرجع كام سنة
نفسي أرجع طفل يلعب
تفرح تقول يادي الهنا
أنا لسة فاكر لما بتعب
تبكي تقول إنشاالله أنا
وأتاري الدنيا كرهتني
ما راحت هيا وفاتتني
تعبت وبقولك يا رتني
يا حبيبتى كنت أنا
