أمل أبو الخير ترثي شهداء الوطن "ابني الشهيد"

نشرت الشاعرة أمل أبوالخير قصيدة جديدة ردا على استشهاد أكثر من 30 جنديا وإصابة 26 آخرين في حادث منطقة الشيخ زويد الإرهابى وحملت عنوان "ابنى الشهيد ".

وجاء نص القصيدة كالتالى:
" ارفعي شالك ياغاليه لملمة دم الرجال من بين الرمل وهمهم
افردي شالك ودمعي امسحي
بحر ومراكبه بتقول كفايه اصرخي
ودوِّني
دوِّني جواكي بحبر الدم وسطرى
قتلوك ياولدي وحشايا نار قايدة ماهتطفي
غدروك ياكبدي وقالوا عليك وردة ماهتتروي
آه ياغالي يابو دم مسك مالي الجبين ماهتتنسي
شيلاك على كفوف الالم ياعيني
وحالفه ميت مليون يمين تارك ماهيتنسي
مش هاخد العزاء ياوليدي الا ماتنضف بلادي وتتجلي
آه ياخاين ياللي بتقول مسلمين
ده لو كان الكفر له لسان كان قال عليكم شياطيين
ازاي هتنام وايدك بتصرخ وتقولك والله ملعونيين
عشيرة انتم ولا شيع واحباركم لدماغكم لاغيين
هيجي يوم وهنقف قدام رب العالمين
واخد حقي من كل خاين كلب لعين
اياك تمد ايدك يابني ليهم بالأمان
ولا تاكل أكلهم دول اصلهم أصل الجبان
لا ليهم وعد ولا ليهم عهد الا مع الشيطان
يارب سلم من خداع ومكر كل واحد بيقول: أنا إخوان".