على الرملة
على الرملة اللي دوسنا عليها بأقدامنا بنيت في قصور
كتبت اسمك على الرملة لقيت اسمك بيتحنا ويبدر نور
وفجأة البحر من جنبي لقيته جاه قعد جنبي وست بحور
وعشاق لفوا نحوا وسمكة وحوت وجنية ووقفوا طابور
ودا اسمك!.. فلو شافوا في يوم حسنك يقولوا دي حور
حبيبتي إزاي راح أوصفها وأنا شاعر على قدي
يادوب أكتبلي كام كلمة فيتقلب الكلام ضدي
سألت حروفي ليه رافضة تطاوعيني؟
قالتلي إزاى راح أوصفلك.. في واحدة حسنها معدي!
لقيت قلمي سايب أيدي وجاه طبطب على كتفي
وقالي العيب ماهوش عيبك ومهما وصفت ما بيكفي
دا ضي قمرنا من نورها ولمسة أيدها دي بتشفي
فريحني من الماسكة ولو لسه هوصفها.. هقولك ربنا يشفي!
