فوز «الزمالك» بالكأس يشعل "تويتر".. "جر شكل": "لقد هرمنا من أجل هذه اللحظة".. شبابيك: "تشاءموا من أجل أفريقيا".. mans emara: "الحرمان يعمل أكتر من كده"
تباينت ردود الأفعال بين الشباب من مستخدمي مواقع التواصل الاجتماعي في أعقاب فوز نادي الزمالك ببطولة كأس مصر بعد فوزه على نادي سموحة، حيث قام النشطاء بتدشين عدد من الهاشتاجات منها "الزمالك" و"الكأس زملكاوي" و"ليلة الكأس".
وأبدى عدد من النشطاء فرحتهم بفوز نادي الزمالك في حين ذهب البعض إلى السخرية من الحصول على بطولة بعد سلسلة طويلة من الخسائر فيما قام بعض النشطاء من المتعصبين للنادي الأهلي بالسخرية من الفوز.
أحسن ماتش للزمالك
وقال "محمد محمود": "ده مهما شمسه تغيب.. هييجي يوم ويعود"، وقال "شبــابيك": "التشاؤم هو اللي جابلنا البطولة دي لو زودنا جرعات التشاؤم شويه ممكن نأخد بطولة أفريقيا.. تشاءموا من أجل أفريقيا".
وكتب " Etshawyy": "أحسن ماتش للزمالك طول الموسم الزمالك متفوق طول المباراة أخيرا فرحتونا الزمالك أبطال الكأس".
كما كتب "مُحَمد عُمَر": " عارف ايه هو السجن يا صابر؟ السجن انك تشوف الزمالك بيلعب نهائي كأس مصر سنتين ورا بعض ومتعرفش تروح الاستاد".
وكتب "hossam.adel": "سنحكي لأولادنا كيف كنا أوفياء حتى ابتسمت لنا السماء"، وقالت "مها قدرى": "هنعيش ليلة في حب الكأس هو ده أجمل إحساس".
الحرمان يعمل أكتر من كده
فيما قالت:"mans emara": "انتوا فرحانين أوى بالكأس ليه ده عامل زى الدورة الرمضانية، معزورين الحرمان يعمل أكتر من كده".
وقال "المهندس خانة": "الواحد بيبص على كل هاشتاجات الزمالك في الترند زى ال مش عارفين يشيلو عينهم عن ولادهم في إعلانات مرضى القلب.. في لحظة ممكن يروحو".
هرمنا
وقالت "جَرّ شَكَّلْ": "لقد هرمنا من أجل هذه اللحظة"، فيما قال "عباس": "مبروك علينا... فرحة تمثل كل عشاق كيان الزمالك حرفيا دمتم من أعظم من أنجبهم النادي يا حليم ويا مدحت.. الزمالك يعني صوتنا اللي راح.. يعني الفانلة اللي بنلبسها مع كل ماتش.. يعني التالتة يمين... يعني العلم اللي بيخلي عينينا تدمع".
وعلى الجانب الآخر قالت "Nesma Essam": "الناس الأهلاوية دول مضحكني جدا أقسم بالله، كل ما أكلم حد يقولي هتقبلونا ف السوبر ! للدرجة دي مضايقيين؟"
فيما رد "عمك مصرى"، قائلا: "الأهلي في آخر 10سنوات 5 دورى أبطال أفريقيا - 5سوبر أفريقى - 8 دورى - 7سوبر - 2كاس - و5 مشاركات في كأس العالم و#الزمالك يدوب 3 كأس محلى هاع!".
بيصعبوا عليا
قال "ريشة فـ هوا": "لما بشوف فرحة الزمالكوية بالكلام الأوفر ( نادي الأمجاد والأبطال والفرسان والبتنجان ومش عارف إيه ) بيصعبوا عليا والله"..
وقالت: "صاحبة تويتر شخصيًا": "طيب فين اللي كانوا بيقولوا انتوا أخدتوا الكأس علشان الأهلي مش فييه"، وقالت " Radwa ♡": "خليهم يتسلوا".
