Advertisements
Advertisements
الإثنين 21 يونيو 2021...11 ذو القعدة 1442 الجريدة الورقية
Advertisements
Advertisements

بعد رد أمير كرارة وعائلة السقا.. آخر تطورات أزمة مها أحمد وصناع «نسل الأغراب»

ثقافة وفنون نسل الاغراب
نسل الاغراب

سارة عبد المجيد

تصدرت الفنانة مها أحمد مؤشرات الأكثر بحثاً خلال الساعات الماضية على جوجل، وذلك عقب كلماتها الأخيرة التي وجهتها لصناع مسلسل الدراما الصعيدي "نسل الأغراب" خاصة النجمان أحمد السقا وأمير كرارة.


فبعد قرار الشركة المتحدة للخدمات الإعلامية بوقف التعامل مع المخرج محمد سامي خرجت وبشكل مفاجىء مها أحد لتهاجم أحمد السقا وأمير كرارة أبطال مسلسل "نسل الأغراب" وكتبت في بوست ناري عبر حسابها الشخصي بموقع التواصل الاجتماعي "فيس بوك" : "عوضي على الله دي الجمله اللى دايما بقولها لما اتصدم فاشخاص... الحكايه يا ساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعاية للمسلسل وهما راضيين".

وتابعت في إشارة منها للسقا وأمير كرارة : "رغم ان طول عمرهم مبيعملوش كده مع اى زميله لهم.. انا النجم الاولانى بينى وبينه عيش وملح وزماله رشحت في مسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتدئه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(.....) اما التانى كان في بداياته يتمنى يسلم عليا ويقولى يا استاذه نزلت من نفسى وقلتله مش هنشتغل مع بعض ما هى الحوجه مره. رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب". 

وأختتمت مها أحمد بـ : "قلت ( عوضى عليك يارب) .تمر الايام والاتنين يعلو ويتجمعوا مع بعض في مسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) . يمهل ولا يهمل ابدوا من جديد يا اوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا... يارب متحوجنا لحد حتى ولو كان اققرب الناس لينا".


وبالرغم من عدم ذكر أي أسماء في منشور "مها أحمد" بشكل مباشر ولكن التحليلات ذهبت باتجاه السقا وكرارة.. وعلق الأخير على الأمر قائلاً: " أنا عمري ما شوفتها أصلا والله أنا مجدي وخالد وصلاح كامل ناس محترمة دخلت بيتهم، وجملة الدور بينادي صاحبه دي أكيد معرفش بتتقال إزاي والله، وسبحان الله مع إنها كانت مبسوطة من جملة كتع كسح كسل" وما تكلمتش غير بعد قرار وقف محمد سامي لما نزل.



وعن التطاول على الفنان أحمد السقا..  فتولت عائلته حق الرد والتعليق على كلمات مها.. حيث قالت شقيقته "فاطمة السقا" عبر "فيس بوك" :" الكلام ده موجه ليكي يا أستاذة، بدل ما تفضلي تمسحي ردي كل شوية.. أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه (.....) اللى هو أحمد السقا.. بس أنا باقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف".

وتابعت :"  هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال".





فيما ردت الفنانة مها أحمد على الانتقادات التي طالتها من شقيقة ووالدة الفنان أحمد السقا والفنان أمير كراراة من خلال بث مباشر عبر موقع "إنستجرام".

وقالت مها في البث المباشر: "أنا لن أشمت في أحد من زملائي، كل الأمر إنني كان بداخلي شعور بالحزن تجاه زملائي ما هي المشكلة في أنني أعبر عن شعوري  تجاه زملائي؟! وأنا بفضل الله الناس متذكرة أعمالي جيدا على سبيل المثال فيلم الباشا تلميذ ومسلسل حديث الصباح والمساء وغيرهم، معنى ذلك أنني تركت بصمة في ذهن الجمهور بأعمالي". 


وتابعت: "أنا راضية تماما بالذي فعلته تجاه زملائي لأنني كنت أشعر بالحزن تجاههم لأن كان واحد من ضمن الزميلين تربطني به علاقة قوية، وأنا أيضا أشعر بالحزن الشديد من زملاء كثير غيرهم داخل الوسط الفني".
Advertisements
Advertisements
Advertisements
Advertisements