Advertisements
Advertisements
الإثنين 21 يونيو 2021...11 ذو القعدة 1442 الجريدة الورقية
Advertisements
Advertisements

اتنجمت وادتهم على قفاهم.. كواليس الأزمة بين مها أحمد وأبطال نسل الأغراب

ثقافة وفنون 173-132656-egypt-actress-maha-ahmed_700x400
مها أحمد

خالد شاهين

أثارت الفنانة مها أحمد الجدل بعد تصريحاتها النارية التي كتبتها عبر حسابها بموقع التواصل الاجتماعي فيس بوك، حيث قالت مها: "عوضي على الله دي الجملة اللي دايما بقولها، لما تتصدم في أشخاص، الحكاية يا سادة عن نجمين عملوا مسلسل واتنجمت عليهم بنوتة لسه ألف باء تمثيل وادتهم على قفاهم".


مها أحمد

تابعت: "ركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم ما بيعملوش كده مع أى زميلة لهم أقربها أنا".

وأضافت: "النجم الأولاني بيني وبينه عيش وملح وزمالة رشحت في مسلسل بطولته وكان بيقنعني بدور، ولما وافقت بعتولي دور تاني ما عرفوش دور، ما تعملوش واحده مبتدئة المفروض إنه عارف قيمتي الفنية". 

وتابعت مها: "لكنه اتهرب مني وما وقفش جنبي وباعني رغم إن الكل عارف إني زي أخته (ندل) أما التاني كان في بداياته يتمنى يسلم عليا ويقول لي يا أستاذة نزلت من نفسي وقلت له مش هنشتغل مع بعض ما هي الحوجة مرة".

أضافت: "رد وقال لي الدور بينادي صاحبه، طبعا محكلكوش قد إيه ندمت نفسي وعشت أسود أيام حياتي عياط واكتئاب وقلت (عوضي عليك يا رب).

استكملت: "تمر الأيام والاتنين يعلوا ويتجمعوا مع بعض في مسلسل واحد (على عينهم طبعا) ويمثلوا وحش قوي تمثيل الكفار وطلعوا كمان ما بيقروش اللي بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية كاملة لصالحها وهما (مخدماتية للأستاذة)".

وأضافت: "يمهل ولا يهمل ابدأوا من جديد يا أوفر تمثيل يا اللي ما بتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على أساتذتكوا (عوضنا على الله) يا رب ما تحوجنا لحد حتى ولو كان أقرب الناس لينا.

شقيقة أحمد السقا

الغريب في الأمر الكثير لا يعلم السبب وراء هجوم مها على أحمد السقا، خاصة أن السقا لم يتعرض لأزمة حالية وأن الأزمة تخص المخرج محمد سامي وحده فقط إلا أن شقيقة السقا لم تهدأ وردت بشكل صادم على مها حيث قالت فاطمة السقا: "الكلام ده موجه ليكِ يا أستاذة بدل ما تفضلي تمسحي ردي كل شوية، ‎أبهرتيني يا مها بأخلاقك العالية وإنك افتكرتِ العيش والملح اللي كلتيه فى البيت بتاع الفنان اللي مش عارفة تقولي اسمه بس".

أضافت: "عرفتِ تقولي عليه "ندل" اللي هو أحمد السقا، بس أنا بقول لك قدام الناس قطع لسان أي حد يقول عليه كده لأنه راجل أكرمك ووقف جنبك أنتِ ومجدي بدل المرة ألف". 

وتابعت فاطمة: "وأمير كرارة بردو راجل جدع ومحترم للي ما يعرفهوش في البوست بتاعك ده، ما أعرفش إيه الفرص اللي كانت عندك اللي كان يتمنى يشتغل معاكِ فيها زمان بس هو أي حد يتمنى يشتغل معاه دلوقتِ أكيد".

أضافت: "كلمة الدور بينادي صاحبه دي بتاعة أفلام، ما بتتقالش في الحقيقة، كفايا دراما وتشويه للناس، وبعدين هما كممثلين مش مطالبين يقفوا جنبك ولا يجيبوا لك أدوار على فكرة، دي رؤية مخرج وناس بتوع كاستنج".

استكملت: "الحقيقة أنا مش عارفة أنتِ عايزة إيه، أنا مش شايفة بعد العشرة الطويلة اللي أنتِ قلتِ عليها غير كمية الحقد والسواد والشماتة اللي كانوا متداريين ورا ابتسامة كدابة ما أعرفش أنتِ إزاي كنتِ بتدخلي بيوتنا الصراحة وأنتِ ست وحشة كده".

واختتمت: "نسيت أقول لك، السب والتطاول ده بيدل على الأصل، واحنا بقى ولاد ناس مع إننا عندنا كلام كتير أوي يتقال".

والدة أحمد السقا


ودخلت والدة السقا ووصفت مها أحمد بالكومبارس الفاشلة، إلا أن مها لم تهدأ حيث قالت في بث المباشر عبر انستجرام: "أنا لن أشمت في أحد من زملائي، كل الأمر إنني كان بداخلي شعور بالحزن تجاه زملائي ما هي المشكلة في أنني أعبر عن شعوري  تجاه زملائي؟! وأنا بفضل الله الناس متذكرة أعمالي جيدا على سبيل المثال فيلم الباشا تلميذ ومسلسل حديث الصباح والمساء وغيرهم، معنى ذلك أنني تركت بصمة في ذهن الجمهور بأعمالي". 

وتابعت: "أنا راضية تماما بالذي فعلته تجاه زملائي لأنني كنت أشعر بالحزن تجاههم لأن كان واحد من ضمن الزميلين تربطني به علاقة قوية، وأنا أيضا أشعر بالحزن الشديد من زملاء كثير غيرهم داخل الوسط الفني".

وأضافت مها: "أنا أشعر دائما برضا ربي عني في كل موقف يحدث لي".
Advertisements
Advertisements
Advertisements
Advertisements