بالصور.. طرائف نشطاء «فيس بوك» في السكن الجامعى.. «إسلام»: «علمنى اللغبطة في الأكل».. «مصطفى»: «بقشر البرتقالة بالمعلقة».. «محمد»: «اتس

قال إسلام: "علمتنى المدينة أنى أتعود على اللغبطة في الأكل يعني بيض مع فاصوليا ماشي، بيض مع عدس ماشي، علمتني المدينة الصبر وكتم الغيظ من المشرفين وبتوع تربية رياضية، وانى اكون سريع واطلع أذاكر في البلكونة قبل صحابي".

أهلي أحلى حاجة بالدنيا

وأضافت لميس: "علمتني أن ماما وبابا وأخواتي وبيتي وحمام بيتي وآكل مامتي دول أحلى ست حاجات في الكرة الأرضية"، وأضافت أويا: "علمتني المدينة إزاي أخس 10 كيلو في أسبوع امتحان العقاقير".

الشحاتة

وأضافت سمسمة: "علمتنى أن الشحاتة أسلوب حياة"، وقال محمد: "المدينة علمتني أنط السور الساعة 2 بالليل عشان طلبت معايا أجيب كشري، المدينة علمتني الحاجة اللي تضيع منك أسرق غيرها عادى، المدينة علمتني اصحى بدرى يوم الجمعة عشان الحق الحمامات قبل ما تتزحم، المدينة علمتني ضبط النفس عشان المدينة كانت مشتركة".

صينية الأكل أغلى من صينى أمى

وأضاف مصطفى: "المدينة علمتنى أقشر البرتقانة بالمعلقة"، وقال سامي: "علمتني كتير وعرفتني إزاي أفرق بين الراجل واللى مش راجل وعلمتني أن مفيش حاجة مستهلة وكلها أيام ونندم أني أكون زعلت حد مني في أي وقت".

وأضافت جهاد: "أنا المدينة علمتني أن الصينية اللى كنت باكل فيها أغلى من الطقم الصيني بتاع أمي".

من خرج من داره 

وقالت إيمان: "علمتني أني أعرف أنام في وجود نور ودوشة"، وأضافت مي: "علمتني المدينة أنك ممكن تقابل ناس غريبة تبقي أجدع وأحن عليك مليون مرة من الناس القريبة خلصانة".

وقال محمد: "إنى لازم أصاحب عم صابر"أكبر واسطة في المدينة" لتضمن الحصول على حقك الغذائي كاملا"، وأضافت ياسمين: "علمتني أن اللى بيخرج من داره بيتقل مقداره هو ترم واحد في سنة أولى قعدته وقولت توبة، وبقيت بجرى على السكك وآهى ماشية الحمد الله".