«شافت نفسها» قصيدة لـ «أحمد إبراهيم»

دلوقتي شافت نفسها
وباعت خلاص حبها
إيه اللى جرا

حب السنين ضاع
والقلب الطيب باع
ليه يا ترى

كنا حكاية على كل لسان
كنت بشوفها في كل مكان
ولا كنت عمري أتخيل

هييجي يوم وأضيع
هيموت ورد الربيع
وأنا ياما قلبى اتحمل

كنت فاكرها حقيقى ملاك
كل كلامها أتمنى رضاك
وأنا عالطول صدقت

رسمت حياتي وحلمي معاها
كل أملى أعيش وياها
أتارينى بحلم طول الوقت

أنا من قلبى بقولِك روحى
ربى يداوى كل جروحى
مهما إن كان

بكره تحسى بحبى أنا ليكى
لما الدنيا تقسى عليكى
وأنا آسف ندمان