جدل يسود الـ "فيس بوك" بسبب إعلان "النور" سعيه للأغلبية !
إعلان حزب النور عن نيته في الحصول على الأغلبية في الانتخابات المقبلة، قوبل كالعادة بسخرية من الشباب على موقع التواصل الاجتماعى فيس بوك، إلا أن بعض الشباب دقوا ناقوس الخطر من خلال صفحاتهم، مؤكدين أن ضعف الأحزاب المدنية ربما يشكل البوابة الملكية لعبور حزب النور للأغلبية الساحقة، مما يجعل ثورة 30 يونيو في خطر، "فيتو كافيه" رصدت تعليقات الشباب..
مصرية للأبد: عادي وأنا عايزة آخد نوبل كلها طموحات وأماني..
محمد داوود: كفاية ماترصلوش هو كده بقى تمام... هههههههههههه..
نجوى مراد: كمان حرام عليكم بقى خليكم في الدعوة وابعدوا عن السياسة..
دعاء سعد: احلموا احلموا هو الحلم بفلوس..
عمرو الحمراوي: نتكلم كلام عاقل ونسأل فين أحزاب جبهة الإنقاذ في الشارع يا أدمن الأحزاب المدنية ظاهرة تليفزيونية..
محمد عثمان: لا؛ الكلام ده مايتاخدش بهزار ده لازم يتاخد بجد وإلا هيتحقق بجد لأن مافيش ولاحزب من الأحزاب الكرتونية ليه شغل على الأرض، واللعب بالدين هيشتغل والإخوان هينتخبوهم في القرى والنجوع والصعيد !!! نخلى بالنا جدا..
مارينا عبد المسيح: حد يقولهم إن إحنا نزلنا 30/6 ضد الإخوان والسلفيين..
