«هريدي» يجيب على السؤال الصعب.. لماذا تضحك المرأة؟

على غرار فيلم "الستات مبيعرفوش يكدبوا".. دشن بعض "المفروسين" من المرأة صفحة "الستات مبيعرفوش يضحكوا".. متهمين "النص الحلو" بأنها دائما "ضاربة بوز".. و"وشها يقطع الخميرة من البيت"..

المعلم هريدي، بجلالة قدره، يجيب عن السؤال الصعب.. لماذا لا تضحك المرأة؟.. وقال "لافض فوه".. أي ست مكشرة، بتبقى تاني أجمل ست في العالم، بس لو ضحكت بتبقى ملكة جمال العالم ورقم واحد.. وسيبك إنت من المثل البايخ بتاعنا.. بتاع الضحك من غير سبب..

وأشار الحكيم "هريدي" إلى أن هناك أسباب كتيرة ممكن تخلي الست تضحك.. أولا: إنها شايفة الراجل اللي قدامها بيعمل حاجات غير منطقية.. ثانيا: بتضحك لأنها ممكن تكون شيفاك، من وجهة نظرها طبعا- حاجة تانية خالص، غير إنك تكون "راااااجل".. ثالثا: ودا غالبا ما بيحصل.. لما تكون عاوزه منك فلوس أو هدية أو فسحة أو عزومة في مكان شيك.. رابعا: ودا آخر حاجة.. لما تكون عاوزة تخلع منك بشياكة، وتديك استمارة 6..!!