جنازة اللواء نبيل فراج تفضح ولاد الـ«......»!

جلست في مقهي "شعبي" مخصص لمعدومي ومحدودي ومهدودي الدخل من أمثالي، وتابعت، خلال شاشة التليفزيون، تشييع جنازة شهيد الغدر والخسة.. شهيد الواجب اللواء نبيل فراج، مساعد مير أمن الجيزة، في حاث تطهير كرداسة من الإرهابيين..

وبينما أتابع الجنازة.. قال أحد الزبائن لزميل له.. شايف الرجالة بجد.. شايف أسد مصر الدكر الحقيقي عبد الفتاح السيسي.. شايف وزير الداخلية محمد إبراهيم اللي كل يوم بيفقد أحد أبنائه الضباط والعساكر.. شايف رئيس الوزراء الدكتور حازم الببلاوي الراجل "الكُبّره".. ولّا الفريق صدقي صبحي، الراجل اللي مش مخلي وراه واجب..

فرد عليه زميله.. صحيح.. دي الرجولة ولا بلاش.. متقوليش شوية العيال اللي كل شوية بيصدعونا بحقوق الشهداء والمصابين.. ألا بالمناسبة أومال فين "النوشطاء"، ورؤساء الأحزاب.. والجماعة بتوع قال الله وقال الرسول.. ما شوفناش حد منهم في الجنازة يعني..؟!

فقال الأول: كل دول بتوع "سبابيب".. الحاجة اللي فيها "سبوبة" يشبطوا فيها على طول.. والدليل على كده ما شوفناش الأخ المناضل علاء عبد الفتاح اللي كان بيدعوا للتظاهر بالشورتات.. وما شوفناش الأخ "أحمد دومة اللي هرانا بحقوق الشهداء.. وفين الأخت "الناشتة" أسماء محفوظ.. والأخت "الناشتة" إسراء عبد الفتاح.. والأخت "الناشتة" إنجي حمدي بتاعة "سكس إبريل"..؟!

التاني رد عليه.. على قولك.. وفين الأخ "الناشت" عمرو حمزاوي اللي مش عاوز حكم العسكر.. وفين المناضل حمدين صباحي، اللي قرفنا بأنه واحد مننا.. وفين الأخ "خالد علي" اللي عاوز يترشح للرئاسة تاني.. وقال دم شهداء "رابعة" في رقبتي؟!.. وفين بتوع "حكوك" الإنسان والأمم المتحدة.. وفين بتوع المصالحة "الوتنية"..؟!

وعندها ناديت القهوجي وحاسبت على المشاريب.. وعقلي يردد "أين أنتم يا ولاد الـ........؟؟!