ننشر نص حوار "الديب" على "صدى البلد".. بعد المونتاج!

سرّب "ولاد الحلال" نص الحوار "الحقيقي" الذي أجراه المحامي "فريد الديب"، رئيس هيئة الدفاع عن الرئيس الأسبق حسنى مبارك، مع الإعلامي "حمدي رزق" على قناة "صدى البلد"، وذلك بعد أن قاموا بعمل "مونتاج" للحلقة..هريدى نيوز حصلت على نسخة الحوار وحسبما أكد ولاد الحلال اللي ما يعرفوش غير الفشر، لا يرقى لأن يكون "قعدة" في "قهوة بلدي" وليس منبرا إعلاميا.. خاصة أن الحوار مع "الديب" جاء متناقضا، في كثير من النقاط، مع التسجيلات الصوتية لـ"مبارك"..
المهم.. إلى نص الحوار الحقيقي.. عشان مطولش عليكم..

س: هو أبو علاء عنده كام مليار في الخارج؟
ج: ولا دولار.. ولا سنت.. واللي عنده مستند يطلعه..
س: أبو علاء كان هيورث ابنه جمال الحكم؟!
ج: شائعات أمريكانية إخوانية عشان يشوهوا صورة الراجل الطيب..
س: طيب.. أومال "جيمي" كان بيسافر مع أبوه في الخارج ليه؟
ج: الراجل كِبِرْ.. وصاحب مرض.. يسيبو يعني يقع من طوله وميلاقيش حد يسنده في الغربة..؟!
س: خدت أتعاب كام في قضية "مبارك" أو "قضية القرن" زي ما بيقولوا عليها؟!
ج: خدت اللي يرضيني، والحمد لله.. ومش هقول الرقم عشان الحسد والناس اللي هتقعد تقر وتنق للصبح..
س: هل السعودية عرضت على مصر 6 مليارات دولار للإفراج عن مبارك؟
ج: محصلش.. ولا حتى الإمارات.. والناس دي بتحترم الدولة المصرية وشأنها الداخلي..
س: بس مبارك اعترف في التسجيلات إن السعودية عرضت على المشير طنطاوي 6 مليار عشان يفرجو عنه؟!
ج: محصلش.. ومبارك كداب.. وأنا أعرف أكتر من أبو علاء..!