مفاجأة.. «المخابرات» وراء تدبير الهجوم على «أتوبيس الشرطة» بالعريش!

ذهب مراسل "هريدي نيوز" إلى العريش ليقوم بتغطية الهجوم المسلح الذي نفذه إرهابيون واستهدفوا فيه أتوبيس لقوات الأمن، على طريق "جسر الوادي" وأدى إلى استشهاد وإصابة 9 جنود..

وبينما يقوم مراسلنا بالتغطية سمع حوارا جانبيا بين شخصين أحدهما يتهم الإرهابيين بتدبير هذا الحادث والحوادث المماثلة.. والآخر يتهم أمن الدولة والمخابرات بتدبير هذه الحوادث..
مراسلنا "الأمين" نقل إلينا نص الحوار بينهما على النحو التالي:-
الأول: ملعون أبو الإرهابيين إللي بيقتلوا ولادنا وخيرة شبابنا كل يوم..
الثاني: إنت بتصدق الكلام ده برضه..؟!
الأول: قصدك إيه؟
الثاني: قصدي إن أمن الدولة والمخابرات هما إللي مدبرين الحاجات دي عشان يتخلصوا من الإسلاميين.. ويمدوا الطوارئ وحظر التجول ويرجعوا الدولة البوليسية زي أيام "مبارك" و"العادلي"..!
الأول: يا سلام.. يعني هما إللي بيقتلوا ولادهم..
الثاني: زي ما بقوللك كده.. دول ناس متعرفشي ربنا.. وبيخططوا تخطيط واعر قوي..
الأول: على كده دول هما إللى قتلوا "السادات" و"فرج فودة" وكانوا عاوزين يقتلوا "مبارك" في "أديس أبابا"..
الثاني: حادثة "مبارك" دي كانت تمثلية من تخطيط وتنفيذ رجالة "عمر سليمان"..
الأول: يا عم حرام عليك.. دا الحكومة ضعيفة.. وعليها كمية غباء يتوزع على العالم.. ولو كان ليها في التخطيط و"التكتكة" زي ما بتقول كده ما كنش دا بقى حالنا..!
الثاني: إنت حر.. خليك على عماك..