"الإخوان" يمنعون الصلاة فى "الزوايا"!
أدرت بوصلة "الريموت" على قناة "الجزيرة" الإخوانية؛ لمتابعة ردود أفعال عناصر التنظيم الإخوانى على قرار وزير الأوقاف، الدكتور محمد مختار جمعة بإغلاق المساجد بعد الانتهاء من الصلوات الخمس المفروضة.. وعدم إقامة صلاة الجمعة فى الزوايا الصغيرة، واقتصارها على المساجد الجامعة بكل قرية أو مدينة.. وكذلك عدم السماح بارتقاء المنابر إلا للأزهريين فقط..
المهم لقيت "الإخوان" نازلين مهاجمة وانتقاد لوزير الأوقاف.. وإذ فجأة لقيت المفعوص أبو نص لسان يقول:-
- هما عاملين "مندبة" على إيه.. طب والله يثتاهلوا.. هما مفكرين نفثهم إنهم لو زرعوا شوك هيطلع ورد..!
- مش فاهم تقصد إيه.. إنت شمتان فيهم ولّا إيه؟!
- لا شمتان ولا حاجة.. بث "الإخوان" دول بيفكرونى بالقول الأثور "مَنْ حفر حفرة لأخيه وقع فيها".. أو بالبلدى كده "تيجي تثيده يثيدك"..!
- مش فاهم.. وضح كلامك!
- حضرتك ناثي إن نواب الإخوان من بتوع حزب "الحرية والعدالة" كانوا قدموا قبل كده مشروعات قوانين فى مجلثي الشعب والشوري فيها نفث "المطالب" دي.. والوزير الإخواني السابق طلعت عفيفي، إللي كان بيطلع معاهم على منثة "رابعة"، هو أول واحد خد قرار بإغلاق المثاجد عشان يحارب بيه "الثلفيين".. يعني "الإخوان" هما أول ناث كانوا عاوزين يقفلوا الجوامع.. وأول ناث كانوا عاوزين يمنعوا ثلاة الجمعة في "الزوايا"!
- إنت متأكد من الكلام ده؟!
- طبعا.. بأمارة ما "الثلفيين" زعلوا.. واعترضوا وقتها- زي ما بيعترضوا دلوقتي على القرار ده.. واتهموا الإخوان وقتها بإنهم عاوزين "يأخونوا" المثاجد عشان يثيطروا على عقول الناث باثم الدين..!
- طيب.. بيني وبينك كده.. إيه رأيك إنت في القرار ده يابو نص لسان؟!
- أنا مبتكلمشي في الثياثة!
