رئيس التحرير
عصام كامل
Advertisements
Advertisements
Advertisements
Advertisements

عمرو أديب عن معاناته من كورونا بعد التعافي: سايبة آثار وأنا مش أنا

عمرو أديب
عمرو أديب
Advertisements

كشف الإعلامي عمرو أديب، عن معاناته من آثار الإصابة بفيروس كورونا حتى بعد التعافي لمدة تزيد على أسبوع.

 

معاناة عمرو أديب من الكورونا

وقال عمرو أديب خلال برنامج “الحكاية” المذاع علي قناة “إم بي سي مصر”: "خلصت كورونا من أسبوع ولسه عندي زكام والكورونا سايبة آثار عندي".

 

آثار كورونا عند عمرو أديب

ولفت: "أنا مش نفس الأنف وأنا مش أنا ومش نفس البني آدم اللي قبل الإصابة بـ كورونا، وما عنديش نفس الطاقة المعتادة وطاقتي وطريقة كلامي والتنفس 75%، وفعلًا الناس بتتعب وبتاخد وقت على لما ترجع لطبيعتها الأساسية".

كشف الإعلامي عمرو أديب كواليس اصابته بفيروس كورونا، قائلًا: "يوم الثلاثاء قبل اللي فات وصلت الرياض كان عندي زيارة عمل، وأول لما وصلت كلِّمت أصحابي المقربين وقالوا لي طلعنا إيجابي كورونا، وعلى طول عملت اختبار طلع إيجابي".

 

مسحة كورونا

وأضاف خلال برنامج "الحكاية" المذاع على قناة "إم بي سي مصر": "قبل وصولي الرياض كنت عامل اختبار ومسحة وكانت سلبية، ولما وصلت الرياض طلعت إيجابي".

 

درس مستفاد من كورونا

وتابع: "الدرس المستفاد من إصابتي بكورون، لما تكون متطعم تاخد الخفيفة وأنا عندي كل الحاجات اللي تدخلني متزوقيني عامل دعامة وعندي سكر وبقالي سنتين مرعوب من اللحظة اللي يجيلي فيها كورونا، فلما جاتلي كان عندي أعراض كحة وزكام وآلام في الظهر لكن اللي خلي ربنا يسترها معايا أنى متطعم واضح أن المتحور الجديد بيطير زي العصافير، وكنت مخالط 12 واحد كلنا جالنا كورونا".

 

نجاة عمرو أديب

وأردف: "عملت مسحة والحمد لله خفيت، والكورونا صابتني ورب العرش نجاني، وأصعب شيء في المرض أن محدش عارف إيه اللي هيحصل والمجهول، وفي السعودية خضعت لبروتوكول علاج معين وواضح ومشيت عليه وحجر يعني حجر، والحمد لله اللي وقفني على رجليا إني كنت متطعم، والدرس المستفاد التطعيم مهم".

 

وكشف الإعلامي عمرو أديب عن السبب وراء شفائه السريع من الإصابة بفيروس كورونا المستجد، قائلًا: "خفيت بفضل ربنا والدكاترة البشوات".

 

شفاء الإعلامي عمرو أديب

وتابع: "دكاترة عظماء عندهم العلم ودول كتير والأغلبية في مصر هما اللي عالجوني من الكورونا، بس وارد جدًّا يبقى فيه دكتور غير جيد وهذا الأمر غير محسوب على بقية أطباء مصر".

 

واقعة مرض الإبراشي

وأضاف: "لما ننتقد مش عايزين انتفاضة النقابات ولكن فيه واقعة عايزين تحقيق فيها، وسفيرنا في روما دخل ينام مصحيش الصبح والأعمار بيد الله ووارد نموت بلا سبب، إنما ليه الحساسية في التحقيق في كيف مات وائل الابراشي، ومش وائل بس اللي مات كده فيه ناس تانية ماتت بنفس الأسلوب".

 

وقال الإعلامي عمرو أديب: "وائل الابراشي مش هيتعوض، اللي بيمشي منا في شغلانتنا ما بيجيش غيره وفي أدائهم قليلين جدًّا، ومن فترة مسمعناش إن حد ممكن يقعد مكان حد، والإبراشي مذيع عظيم ومش ممكن يتكرر".

Advertisements
Advertisements
الجريدة الرسمية