تعالى يا أمى
تعالي يا أمي ف أحضاني
تعالي أضمك من تاني
تعالي أسقيكي حناني
دا أنتي يا أمي وحشاني
كان فينك يامه...فينك
طوال زماني
تعالي أضمك..تعالي ألمك
تعالي أدور معاكي في دمك
تلاقيني يا أمي ساكنه ف قلبك
تعالي أبوسك وأطبطب عليكي
وأخلي عيوني تتملي ف عينيكي
أحني كفوفي بحبك ورضاكي
أجفف دموعك وأضمد جراحك
أزرع أرضي كلها بأفراحك
أرويها بحبي ونجاحك
تخضر أرضي بكفاحك
تنور أرضي بمصباحك
أغني الأغاني وأرفرف بجناحك
بحبك يا أمي ونفسي ف إصلاحك
وأزوق سماكي بمناسبه سراحك
يهل هلال الحريه بأفراحك
بحبك يا أمي وأتمني
ماعادت تعود أشباحك
وتشفي يا أمي من كل جراحك
تشفي يا أمي من كل جراحك
