الأحد 5 أبريل 2020
رئيس التحرير
عصام كامل

"#ادعم_منى_فاروق" يتصدر بـ7 مليون مغرد.. والنشطاء: "غيري مجال العمل"  

منى فاروق
منى فاروق

تصدر هاشتاج "#ادعم_منى_فاروق" تريند مصر على تويتر، حيث دشن نشطاء مواقع التواصل الاجتماعي الهاشتاج لدعم الممثلة منى فاروق، بعد بثها لفيديو تؤكد فيه عدم منحها فرصة أخري من مخرج أو ممثل للتعامل معها، ومهددة بانتحارها لعدم منحها فرصة للعودة مرة أخري بعد الفيديو الفاضح وقضيتها الشهيرة.



 

ووصل عدد المغردين في هاشتاج "#ادعم_منى_فاروق" 7 مليون و374 ألف و904 مغرد، وبلغت عدد التغريدات 8 مليون و600 ألف تغريدة، ما بين المؤيد والمعارض لموقف منى فاروق، بحسب موقع " Unionmetrics" المتخصص في لتحليل الهشتاجات. تفاعل مع الهاشتاج 83 مغرد متميز على تويتر، غردوا حديثًا في الهاشتاج، ودشن النشطاء الهاشتاج اليوم الثلاثاء، الساعة 11.34 ظهرًا. 

 

 

 

 

وبالرغم أن فحوي الهاشتاج يؤكد دعم النشطاء لـ منى فاروق، بعد الفيديو الأخير لها، لكن بعض النشطاء طالبوها بتغيير مجال العمل، وعدم طلب الرحمة من الناس. 

 

وقال فيصل: " كلنا بنغلط والفرق هو ستر ربنا مش اكتر، ربنا بيقبل التوبة واحنا لا، هنستفاد ايه لما ننهش في بعض؟ لما نغتال حد هانحس بالرضا عن نفسنا؟".

 

وعلق عصام مصراوي: "احتقر المعصيه ولا تحتقر العاصي.. وإذا وقعت عينك على صاحب ذنب فلا يقع في نفسك العزة وأنك خير منه! هو فُتِن وأنت برحمة الله نجوت فادع الله له بالهداية ولنفسك بالثبات (من كان منكم بلا خطيئة فليرمها بحجر) #ادعم_منى_فاروق".

 

وردت جهاد فاروق : " #أدعم_منى_فاروق مني امبارح قالت نفسي ارجع مصر بس الناس مَش رحماني مني امبارح قالت محدش عايز يدني فرصه والناس هتوصلني للانتحار والناس الي داخله تشتم علي لايف دي ابشع حد في الدنيا  فعلا  ” من منكم بلا خطيئة فليرمها بأول حجر".

وأضاف مصطفي إسماعيل: " #أدعم_منى_فاروق علي طه في القاهرة 30 مات مشرد ، لم يهدد بالانتحار.. كنتم فين يا  بتوع الدعم".

اقرأ أيضا: 

"بقيت منبوذة ومحدش عاوز يتعامل معايا".. منى فاروق تعتذر عن الفيديو الفاضح وتهدد بالانتحار  

 

وقال كريم شريف: " #ادعم_منى_فاروق المجال اللى انتى بتشتغلى فيه كلنا عارفين انه ماحدش بيوصل غير كده بس زى ماقولتى ربنا شال ستره من عليكى ويمكن بعتلك رساله عشان تسيبى المجال ده كله بس واضح انك مافهمتيش ولسه عاوزه تكملى شوفيلك مجال تانى اعملى كارير لنفسك فيه بعيد عن الناس وعيشى حياتك".

 

وأضاف كابتن حسن: "غلط طلب الرحمه من الناس..الخطأ شخصى ومردوده شخصى والناس تنمرت لا اكثر..الا اذا كان القصد علاقات عامه واعادة بناء ثقه مع الجمهور كما فعل البعض من سنوات والناس تعاطفت ونسيت!#ادعم_منى_فاروق". 

وعلق حسن خفاجي: "من كان منكم بلا خطيئة فليرمها أولاً بحجر" #ادعم_منى_فاروق #مني_فاروق". 

وقال محمد حسن: "أنا لا إتكلمت عنك بسوء ولا هدعمك .. لأن اللي عملتيه واللي لسه هتعمليه يخصك أنتي.. أنا الدنيا علمتني لما بسخر من ذنب حد أو ببصله بتعالي الدايرة بتلف وبعمل ذنب أصعب من اللي عمله .. ربنا يهدينا جميعاً يارب #أدعم_منى_فاروق” .

Last Update : 2020-03-19 01:13 PM # Release : 0067