عبد الرحمن الأبنودي ينعى "ناصر" في قصيدة حزينة

بعد وفاة الرئيس جمال عبد الناصر نشرت والصحف قصيدة حزينة كتبها الشاعر عبد الرحمن الأبنودى يرثى فيها وفاة الزعيم قال فيها:
من يمدحه يطلع خاسر.. ويشبروله أيامه
يعيش جمال عبد الناصر.. يعيش بصوته وأحلامه
في قلوب شعب عبد الناصر..
مش ناصرى ولا كنت في يوم.. بالذات وف زمنه وف حينه
لكن العفن وفساد القوم.. نسانى حتى زنازينه
ازاى ينسينا الحاضر.. طعم الأصالة اللى في صوته
يعيش جمال عبد الناصر.. ماهو مات وعاش ناصر
ايمه جمال وجميل فعلا.. ياما شجعان خوافة
المجد مش شغل صحافة.. عشان ده عاش عبد الناصر
اعداؤه كرهوه ودى نعمة..من كرهه اعداؤه صادق
في قلبه كا حاضن امه.. وضمير وهمة ومبادئ
ملامحنا رجعت بعد غياب..دلوقت بس اللى فهمناه
لا كان حرامى ولا كان كداب.. ولا نهبنا مع اللى معاه
عشنا وياه الحياة كالحلم..فلا فساد ولا رهن بلاد
يومها انتشينا ثقافة وعلم..وف زمنه ما عشناش أحاد
كان الأمل في خضرته بكر..وما فيش للقوت والمال
ومصر ابطال ورجال فكر.. ومثقفين ستات ورجال
كان الهلال في قلبه صليب..ولا شفنا في حزازات في بلادنا
لاشفنا ديب بيطارد ديب..ولا جرس خاصم مدنة
رغم الحصار كنا أحرار..وفى الهزيمة الشعب ماجاعش
كان اسمها بلد الثوار..وقرار زعيمها مابيرجعش
خلا بلاده أعز بلاد..ليها احترام في الكون مخصوص
لو حاكتبك ما تساع أقلام.. ولا كلام غالى وأوراق
الأمر كله وما فيه.. أنا مشتاق
فقلت اسلم عليك.. وأنام نومة جمال عبد الناصر