المصري وإيهاب جلال للاعب بيراميدز: "هنبطلك تلعب كرة تاني"

فتح أحمد خالد، لاعب الفريق الأول لكرة القدم بالنادي المصري، النار على إدارة النادي والجهاز الفني بقيادة إيهاب جلال، بعد قرار الاستغناء عنه قبل غلق باب القيد بساعة واحدة فقط.

ونشر أحمد خالد معاناته مع النادي المصري منذ انتقاله لصفوفه خلال الموسم الماضي وضياع فرصة انتقاله لأي نادي آخر.

وكان إيهاب جلال، المدير الفني للمصري، قد أبلغ إدارة النادي الاستغناء عن اللاعب وعدم حاجته إليه، لكن إدارة النادي قيدته بالقائمة الأولى للفريق على أمل الاستفادة المادية من بيعه خلال الميركاتو الصيفي المنقضي رافضين إعطاءه الاستغناء الخاص به.

وطالبت إدارة النادي خالد بالموافقة على الرحيل إلى نادي أسوان على سبيل الإعارة، وهو ما رفضه اللاعب أملا في البقاء بالمصري والانتقال لنادي آخر بصفقة انتقال، وهو الأمر الذي أدى بإدارة المصري الانتقام من اللاعب بطريقة غير رياضية.

رغم مطالبهتما بالرحيل.. إدارة المصري ترفض الاستغناء عن ثنائي الفريق

ونشر خالد تدوينة عبر حسابه الشخصي بموقع "فيس بوك" قال فيها: " فَصَبْرٌ جَمِيلٌ ۖ وَاللَّهُ الْمُسْتَعَانُ"، وأضاف:" خلاص كده يعني، من ساعة ما دخلت النادي المصري وانا بتعامل معاملة مش قادر أفهمها ليه بيعملوا معايا كده يخلوني أتمرن لوحدي بالشهرين أقول حاضر وما كنتش بتكلم ما كنتش بشوف الفرقة غير مرة في شهر والله ما شفت أسوأ من دي معاملة ولا ظلم بالمنظر ده ".

وتابع خالد: "جبتلهم إعاره في السعودية علشان أحاول ألعب كانوا رافضين على الرغم من أنها كانت ٣٠الف$ في ٤ شهور بس يقولوا عايزين ١٠مليون!! روحت ورجعت لقيت الحكاية بتتعاد تاني بتمرن لوحدي أكتر من شهر ونص، والفرقة تطلع ٣ معسكرات وانا في بورسعيد وأقسم بالله واخد وعود أنك معانا في الفريق وهتلعب وبتمرن وألاقي نفسي متقيد في القايمة الأولى في آخر يوم في القيد علشان مروحش أي نادي تاني ارجع واتمرن مع الفرقه حاضر، ومش بفتح بوقي ولا عمري عملت مشكلة واحدة من ساعة ما دخلت النادي".

وكشف تهديد النادي له ولوالده": "آخر أسبوع في القيد يهددوني انا وابويا هنعمل فيك وهنخصم منك وآخر حاجة خالص اتقال لي هنبطلك كورة ومفيش نادي هيرضي ياخدك! علشان أمشي بالتراضي طب انت قيدتني ليه علشان تذلني وانا رفضت أمشي علشان عايز أكمل وده حقي".

وتابع: "فوجئت أني يتفسخ عقدي قبل غلق باب القيد بساعة واحدة!! عموما انا مش مسامح وربنا كبير والله.. وحسبنا الله ونعم الوكيل.. أخيرا لازم أشكر جمهور النادي المصري البورسعيدي اللي وقف معايا، وكلامه كان بيصبرني على اللي انا فيه بس ربنا كبير والله".