أحمد إبراهيم يكتب: يا أمي
يا أمي..
لو بعيدة قريبة
يا أمي يا طيبة
عايشة جوه قلبى
يا حبيبتى يا حنينة
*****
لو قلت آه بتعانى
تسهرى جنبى ليالى
وبتتمني يا أمى
تتعبى انتي مكانى
*****
دايما شايلة همى
يا أقرب ليّ منى
وناسية يا أمى نفسك
ولا عمرك غِبتى عنى
*****
عطائك مالوش نهاية
حبك أجمل حكاية
لو اديت ليكى عمرى
يا أمى مش كفاية
*****
مقدرش استغنى عنك
وكفاية دعوة منك
إطلبي يا أمى منى
تلاقينى تحت أمرك
*****
كل ليل وله نهاره
كل حب وله عذابه
إلا حبك يا أمى
دايما زايد عطاؤه
