أديب عن بيضة حققت ٤٨ مليون لايك: عالم تافه والإنترنت لحس الدماغ

عرض الإعلامي عمرو أديب، صورة لـ«بيضة» حمراء اللون على مواقع التواصل الاجتماعي، حققت 48 مليون لايك على موقع الصور الشهير إنستجرام، قائلا: «ده دليل على أن العالم ده تافه جدا، واحنا بيتلعب في دماغنا جامد.. يا رجالة».

وأضاف خلال برنامج «الحكاية» المذاع على فضائية «إم بى سى مصر»: «بيضة يا عالم.. يا هووو..البيضة عاملة 48 مليون لايك، مع أنها لا تتكلم وليست مصنوعة من الذهب..بيضة بلدى يا عالم».

وتابع: «الإنترنت والإنستجرام لحسوا دماغ العالم ومين اللى عملوا لايك على البيضة.. دول كبرات العالم.. عايز حد يفسر سر البيضة اللى حصدت 48 مليون لايك على إنستجرام، والموقع اللى نشر الصورة دى لم ينشر صورة قبلها أو بعدها، واللى هيفسر سر البيضة هديله اللى هو عايزة».

واستطرد: «ده دليل على أننا نعيش في عالم تافه.. يا عالم الدول بتقع والناس بتموت.. أرزاق.. قاعدين بنتصور عمرنا كله وتيجي بيضة ترقصنا كلنا».