جنودنا رجالة.. بقلم آمال هريدي

جنودنا رجالة وجدعان
لا بيخافوا من رصاصة
ولا من عدو مهما كان
دايما قلوبهم بالشجاعة مليانة
حالفين يا بلدى ليصونوا الأمانة
شايلين الحمل على أيديهم
بيموتوا كل يوم عشانك
ومهما الدنيا توريهم
حالفين ماحد ياخد مكانك
من ارهابى خسيس
من عدو جبان
حامينك يابلد الأمان
رافعين لفوق السما راسك
مشرفينك ف كل مكان
الجندى يابلدى هو أساسك
اللى من غيره تتهد الحيطان
أنا عايش ف بلدى ومش خايف
والله لشجاعه جنودنا انا شايف
مش خايف من أي حد
وبقول للعالم كله الجندى المصرى راجل بجد