ياسمين غيث تروي تفاصيل رحلتها مع مرض السرطان
قالت الفنانة ياسمين غيث، إنها شخصية عادية وتخرجت في كلية الإعلام، اشتغلت مدرسة إنجليزي واكتشفت بعدها إني عندي ورم ولاقيته في مرحلته الثانية وكانت فكرتي أني أسافر للخارج للعلاج ولكنى غيرت رأيى وقررت العلاج في مصر بمستشفى بهية».
وأضافت خلال لقائها الإعلامي عمرو الليثى في برنامج «واحد من الناس» المذاع على فضائية «النهار»: «كان إحساس صعب أوي لما عملت الكشف وعرفت أن عندي المرض دا وكان ابني معايا وانهار معايا لكني قررت مواجهة المرض».
وأوضحت أنها استشارت طبيبا فرنسيا للسفر للخارج لتلقى العلاج وكان رده أني مش محتاجة سفر برا وإحنا في مصر عندنا كل حاجة وأخذت كيماوي بعد العملية.. وأنا داخلة العمليات كانت معايا عيلتي وقولتلهم خلوا بالكم من مالك ابني وطمنوه وقولت لجوزي يكتب على فيس بوك علشان الناس تدعيلي، وبعد العملية كانت بتجيلي نوبات تشنج من الأعراض الجانبية للعلاج الكيماوي.
