البدوي يهاجم لميس الحديدي: «أنت اللى تدوريلك على لفة مش أنا» (فيديو)

قال الدكتور السيد البدوي رئيس حزب الوفد، إن الحكم الصادر ضده بالحبس لمدة 6 سنوات كان بصفته رئيسا لقنوات الحياة وليس بصفته رئيس حزب الوفد.

وهاجم رئيس حزب الوفد، في مداخلة هاتفية لبرنامج «هنا العاصمة » المذاع على فضائية «cbc»، الإعلامية لميس الحديدي، على الهواء قائلا: «ده مش يخص حضرتك»، ردا منه على طلب الإعلامية بنشر تكذيب على صفحات جريدة الحزب بعدم وجود أحكام قضائية صادرة ضده.

ووجهت الإعلامية لرئيس حزب الوفد سؤالا قالت فيه: «هل أنت مصر على التعديلات في لائحة الحزب.. وأنت راحل ولا مش راحل؟،» وسألها البدوي: «يعنى إيه راحل ده»، فردت لميس: «يعنى بتدور على لفة وترجع» فعلق البدوى: «حضرتك اللى تدوري على اللفة ده مش أنا».

واستطردت «لميس»: «أنا مبدورش على لفة أنا بسأل»، فقال البدوي: «أنتي تسألي السؤال بما يجب أن يكون؟»، فردت الإعلامية: «أنا شغلتي السؤال وأنت شغلتك حاجة تانية، وأنا بعرف أسأل كويس. هل أنت مصر على تعديل اللائحة يوم 30 ولا أنت عايز تلف وترجع تانى».

فقال البدوي: «مفيش حاجة اسمها تلف وترجع، أنا أول رئيس حزب انتخب دورتين واللائحة ملك الوفديين وليست ملك لأي كيان آخر».