بهلول المشغول: من غير وداع
عّمّالة تتنططى في وشى
رحتطلعى قبل ما تخشى
لا ليكى طعم ولا ريحة
يلا يا 2017 روحى امشى
شفنا فيكِ الكوارث
إرهاب في جوامع وكنايس
شهورك عدت علينا
ديسمبر ألعن من مارس
اتعلمنا فيكِ إزاى نحتار
إزاى نسكت ونلزم الدار
حتى اللى عنده كام جنيه
بقى عيل قدام الدولار
فيكِ ترامب ابن العويل
ضرب أجدعها فتيل
وقبل نهايتك جاى يقول
القدس عاصمة إسرائيل
روحى بقى من غير وداع
كفاية إرهاب كفاية صداع
الأسعار فيكِ ولعت نار
لا حد اشترى ولا حد باع
وتعالى يا سنتنا اللى جاية
وادخلى بيمينك يا غالية
طبطبى على مصر بلدى
وخليها على الكل عالية
