صديق ضحية الغرق في الإسكندرية: فرق الإنقاذ مش عارفة تطلع جثة صاحبي
كشف صديق الشاب المفقودة جثته بعد غرقها، عن استجابة المسئولين لشكواه بعد أن نشرتها «فيتو»؛ حيث تجري الآن فرق من الإنقاذ أعمال البحث عن جثة الضحية والتي غرقت في شاطئ النخيل بالإسكندرية، وتعثر انتشالها من بين الصخور.
وقال صديق ضحية الغرق: «فرق الإنقاذ مش عارفة تطلع جثة صاحبي ولكنها ما زالت تواصل عمليات البحث، وهناك تواصل مع إحدى شركات المقاولات لإرسال ونش بمواصفات خاصة يستطيع الدخول نحو 100 متر في المياه ليرفع الصخرة حتى يتم انتشال جثة صاحبي».
كان شقيق الشاب الغارق علق عبر خدمة واتس آب فيتو قائلًا: «محمد مات غرقان الله يرحمه!! بس المشكلة إنه لحد دلوقتي بقالهم يوم من إمبارح جسمه محشور بين صخرتين ومش عارفين يطلعوه! وفي أكتر من فرقة إنقاذ بيحاولوا يطلعوه من إمبارح بس للأسف مش عارفين عشان الموج عال جدًا»، متابعا: «أعتقد أن فيه معدات ممكن تدخل المياه وتشيل الصخرة اللي هو محشور تحتها يطلعوا محمد عشان يكرموه لمثواه الأخير ويدفن!!».
وتابع: «أنا مش عارف الحاجة دي ممكن نوصلها إزاي أو نبلغ مين مسئول عشان يتحرك بس أعتقد قوة النشر في وسائل التواصل الاجتماعي ممكن تعمل دا وتوصلنا لحد يقدر يقوم بالمهمة دي».
واختتم: «ادعوا لمحمد كتير بالرحمة وأنهم يقدروا يطلعوه من بين الصخور».
وتتيح «فيتو» لقرائها التواصل معها، عبر كل وسائل الاتصال الممكنة، لمختلف الأجهزة، وهي: «واتس آب whatsapp، سكايب skype، فايبر viber، لاين line، بي بي إم BBM، وكيك kik، وذلك عبر الرقم «01270709070».
