بالصور.. أول ضحية للرصاصة الطائشة تكشف تفاصيل إصابتها بالحصري

حكت دعاء قاعود، أول مصابة في منطقة الحصري بمدينة 6 أكتوبر، عن إطلاق الرصاص عليها أثناء توجدها في إحدي مقاهي منطقة الحصري، حيث أصابت الرصاصة ظهرها، دون أن تعرف مصدرها.

وطالبت دعاء بألا يقوم الناس بإطلاق الشائعات، وأرفقت التقرير الطبي لإصابتها في تدوينة لها على صفحتها بـ«فيس بوك».

وقالت «دعاء قاعود» في تدوينة على «فيس بوك» عن بداية إصابتها: «أولًا أنا ولا كنت حابة أتكلم ولا أعمل حالة خوف بين الناس، بس كل واحد طالع يقول لا الحصري أمان ومافيش حالات غير يوسف، أحب أقول لحضرتك أنت بتتكلم أي كلام وخلاص، ومش فاهم حاجة».

وذكرت: «أنا الحالة اللي اتصابت قبل يوسف، أنا ماكنتش عند جاد أنا كنت في كافيه بردوا في منطقة الحصري، وكنت قاعدة حاجة ضربت في ظهري، أكيد ماكنتش أعرف أن هي رصاصة غير لما رحت المستشفي، واللي بيقول دي إصابة سطحية خضىتك».

وأضافت:«دي صورة الرصاصة اللي طلعت من ظهري، الحمد لله، على كل حال وأه اتكتبلي عمر جديد، بس في حالات تاني غير يوسف وأنا أكبر دليل، وياريت ماحدش يتكلم على أي حاجة غير لما يكون متأكد من كلامه، ماحدش جايب البلد ورا غير أن كل واحد بيتكلم أي كلام وخلاص».

وتابعت: «أنا عملت محضر ورحت النيابة واتعرضت على الطب الشرعي واللي مش مصدق يبقي يروح هناك، يستفسر بنفسه أنا هنزل صورة التقرير بتاع المستشفي وصورة الرصاصة كمان.. حسبي الله ونعم الوكيل مش بس في اللي عمل كده وكمان اللي ماشي يقول إشاعات».