يوسف الشريف لـ«جمهوره»: لست ساذجا لأتجاهل انتقادات «القيصر»
أكد الفنان يوسف الشريف أنه يتابع عن كثب جميع تغريدات متابعيه عن مسلسله الرمضاني الجديد «القيصر».
وقال «الشريف»، عبر حسابه الشخصي بموقع التواصل الاجتماعي «تويتر»، اليوم: «صعب جدا الرد على عدد خرافي من التويتات بيتكتب يوميا عن مسلسل القيصر أنا طبعا سعيد جدا لمتابعتكم للمسلسل وفخور جدا بكل آرائكم».
وأضاف: «وحتى لو حاولت أرد بتويتة واحدة برضه مش هقدر علشان هبقى بحرق المسلسل اللي مش هيتفهم وهتكمل خيوطه إلا في الحلقة الـ٣٠».
وتابع: «أنا قريت كل التويتات اللي اتكتبت على المسلسل إيجابية أو سلبية وأنا مش بالسذاجة إني أتجاهل آراء الناس اللي ليها فضل عليا بعد ربنا».
واختتم: «وعشان السؤال ده اتكرر كتير.. ده مش أول عمل أعمله وأنا صاحب فكرته مثلا مسلسل الصياد برضه كان فكرتي بس أنا المفروض إني مش بحب أكتب في التتر».
«القيصر» بطولة يوسف الشريف، وخالد زكي، وأشرف زكي، وريهام عبد الغفور، وطارق النهري وآخرين، ومن تأليف محمد ناير، وإخراج أحمد نادر جلال، ومصممة أزياء إنجي علاء، ويعرض حصريا على شاشة قناة «ONTV».
