«أبو حفيظة»: «كل رجل متجوز لازم يعكنن على الست بتاعته»
قال الإعلامي أكرم حسني «سيد أبو حفيظة»: «إن برنامجه خاص للعكننة على الستات، وكل رجل متجوز لازم يعكنن على الست بتاعته وكفاية أنهم مطلعين عنينا».
وأضاف «حسني»، خلال برنامج «للرجال فقط»، على إذاعة «نجوم إف إم»، أن الست دائمًا تضع نفسها بمقارنة مع سيدات أخرى وتغير منهن، قائلًا:«الست مثلًا ممكن مرة واحدة تقولك أنا عايزة نفس الهدوم اللي جايبها صحبتي، ودائمًا الست تركز على الحاجات اللي مش معاها، ومش بتهتم بالحاجة اللي معاها».
وأكد:«أن المرأة تضع نفسها في وضع مقارنة دائمًا مع صديقاتها أو أقاربها، وتفضل تزن على جوزها عشان تبقى زي اللي بتقارن نفسها بيها، فلو ولاد واحدة تعرفها دخلوا مدرسة معينة تبقى الست عايزة تدخل ولادها نفس المدرسة برده، وهكذا».
