«انزف كمان يا وطن» شعر لـ«مينا إميل يوسف»
انزف كمان يا وطن انزف كمان
دم الشهيد نازل بيعزف على الكمان
كمان عليه وتر الأمان
عمال يموت ويدينا الحنان
كمان بصوت الحق للبطل الشجاع
بطل يدافع عن مواطن جاع
جعان لطعم صافي من غير خداع
لكن الوتر مقطوع من خسيس باع
صوت سقوط الدم في ودن الوطن بيرن
لكن ودن الوطن لصوت الأمان بيحن
ازاي شريك في الوطن يقتل صغير السن
والله دي حاجة تفرس والله حاجة تجن
دم الشهيد على الأرض بيحني حنة دم
وحنة الدم أنعم وأحن من صدر أم
الأرض متعطرة بالدم حتى شم
ريحة الطهر اللي شايلة من الحية كل السم
