وقال الحمار: أنا منتظر ردكم
بكل افتخار راح أصدر قرار
بأن الحمار فوق كل اعتبار
وكل اللي عايز يعيش في انحــدار
يسيبنا ويمشي يروح للدمار
سمعنا كتير شكوي كل الحمير
من الظلم والقهر والانهيار
وكل اللي ييجي ويسمع كلامنا
يقول الحمير في التعب ليل نهار
ويركب على ضهرنا طول حياته
وينسى اللي قاله بدون اعتذار
إذن لا مجال غير في تكسير قيودنا
وإعلان صمودنا ورفض الحوار
وكل اللي رافض كلامنا وحافض
كلام حد تاني يثير الغبار
نقول له الحمير عايزة ترجع تلاقي
لها كلمة عند اللي راكب حمار
سمعتم كلامي وكل التزامي
بحق الحمير الصغار والكبار
أنا منتظر رد منكم بسرعة
وإلا الحمار يبقي دايما حمار
