بالفيديو.. «ريهام سعيد» تسب «موظفة» بجمعية الأورمان على الهواء
شنت الإعلامية ريهام سعيد، خلال تقديم برنامجها «صبابا الخير»، المذاع علي فضائية «النهار»، هجومًا حادًا علي إحدى منتقداتها، «د. سامي»، موظفة بجمعية الأورمان.
وأشارت ريهام إلي أن المنتقدة، قالت علي صفحتها الشخصية عبر "فيس بوك": «ريهام سعيد مقطعة نفسها وبتناشد أهل الخير عشان تنقذ أطفال وتعملهم عمليات في تركيا».
وتابعت: «عشان دموعك غالية علينا قوي الحمد لله في جهة عاوزة تتكفل بالعمليات، في أحسن مستشفيات وأحسن دكاترة، هل ممكن ألاقي حد ليه دلال علي الإعلامية ويقولها توفر دموعها وتجيب الأطفال عشان نحدد مواعيد العمليات؟ لو وافقت هتكسب دعوات كتير أوي مننا، لو رفضت أتمني تعلن سبب الرفض».
فيما ردت ريهام عليها قائلة لها: «هي دي اللغة اللي اتعلمتيها، في البيت عشان تعملي خير، وأنتي مالك لو كنت أنا مقطعة نفسي عياط، أنتي بتابعي برنامجي ليه!؟».
وأضافت: «أنا لما بكيت، بكيت علي طفل كان مفروض يسافر، أنتي ما عندكيش دم، لدرجة إنك مش حاسة إني ممكن أعيط وأقطع نفسي عياط، علي الولد ده، بعد ما وعدت أهله إني ممكن أسفره يتعالج، بس مالحقتش!».
