"في غزة الموت بنص جنيه" قصيدة لـ "سعيد شحاتة"

في غزة الموت بنص جنيه
ما حدّش ناوي ييجي يموت
مزاد يا بتوع سعادة البيه
........... مزاد والحجز بالنبوت
في غزة الدم للترفيه
في غزة الفرحة من غير صوت
في غزة عروسة بتقول ليه
مافيش في الزفة ناس وبيوت؟
عريسها الفجر بيغطيه
........... بأوراق الكافور والتوت
بترسم كل شيء بعنيه
..... وهوّ بيجري في الملكوت
بتخلع حلمها وتطويه
.......... وبيزفوها جنب تابوت
في غزة الموت بنص جنيه
ما حدّش ناوي ييجي يموت؟