هاشتاج "يحيا البرنامج" لدعم باسم يوسف يحقق أعلى نسبة متابعة.. شادي: "عمرنا ما هنسيب حلمنا يضيع".. خالد: "جمهورك وراك يا باسم".. شوجري: "صناع السعادة في مصر راحوا"

حقق هاشتاج "يحيا البرنامج" أعلى نسبة متابعة على "تويتر" لمساندة الإعلامي باسم يوسف، مقدم برنامج البرنامج والمطالب بعودة بث البرنامج مرة أخرى.

ويأتى هذا بعد بعد انتهاء، المؤتمر الصحفي للإعلامي باسم يوسف، الذي عقده بمسرح راديو بوسط القاهرة، وأعلن من خلاله توقف برنامج "البرنامج" بشكل نهائي، مؤكدًا تعرضه وفريق العمل لضغوط كبيرة، وأوضح أن قرار وقف البرنامج جاء بعد تفكير طويل.

وأعرب يوسف عن أمنياته باستمرار عرض البرنامج، إلا أنه فضل سلامة أسرته وفريق عمل «البرنامج»، ونفى باسم تلقيه أوامر من الديوان الملكي السعودي بإيقاف البرنامج، موضحًا أن قرار الوقف صدر من إدارة قناة "إم بي سي مصر" بعد تصريحات العاهل السعودى الملك عبدالله بعدم توقف البرنامج.

ووجه باسم يوسف الشكر لإدارة القناة، مؤكدا أنها عانت بشكل كبير معه طوال الفترة الماضية لاستمرار البرنامج إلا أن الأمر كان أكبر منهم ومنه.

كما أعلن الإعلامي باسم يوسف عن قراره بعدم الحديث في السياسة مرة أخرى حال تقديمه برامج بعد ذلك.

وأكد يوسف أنه سيكتفي بالحديث في السياسة داخل مقالاته الصحفية التي يكتبها في بعض الصحف.

ورصدت "فيتو" تعليقات ومشاركات النشطاء عبر هاشتاج "#يحيا_البرنامج".

شادى الغزالى حرب: "في ناس عايزانا نفتكر إن برنامج البرنامج كان حلم جميل بالحرية وراح، وإحنا بنقولهم إننا عمرنا ما هنسيب حلمنا يضيع".

"قهوة مضبوطة": "ودى بقى أول بشرة خير.. إحنا بنقول كفاية كدا مش عاوزين خير تانى".

أورتين: "يعني باسم بتمنع ويسيبولنا سيد أبو حفيظة".

مصطفى أحمد: "أزهى عصور الديموقراطيه..good luck يا باسم".

خالد سلامة آدم: "أتمني إنك تراجع قرارك دا تاني.. أنا عارف إنك أخدته بناءً على ضغوط عليك وعلي القناه والبرنامج بس متنساش أن جمهورك وراك".

إيهاب نور: "مين حيضحكنا كل جمعة".

شوجرى: "أبو تريكة اعتزل وباسم يوسف اتوقف صناع السعادة في مصر راحوا".

هاجر: "هي دي اللي ضايقتهم؟ ده الرقم اللي كنا هنشوفه الأسبوع الجاي؟ يعني هو باسم بس اللي بيعرف يعد؟!".

رنا:"وربنا الفترة دي أحلي وقت تطلع فيه حلقات جامدة عشان المسخرة اللي بتحصل.. يلا حسبنا الله ونعم الوكيل".

ملاك محمد: "معلش أصل هو خطر على البلد!!".

أميرة بدوى: "البرنامج فكرة والفكرة مش هتموت".

ذا إيجيبشن هيبي: "أنا عاوزة بس أعرف هو الناس إزاي ساكتين ؟.. يعني أنا عاوزة أفهم اللي كان كرشهم بيتهز من كتر الضحك أيام الإخوان راحوا فين؟".

فدوة: "باسم يوسف عنيد وأكيد مش دي النهاية.. بس برضو هو أب وزوج وابن ومش من حق حد يزايد عليه ولا يطلب منه يجازف في المناخ ده".