البرد يشعل "هزار" النشطاء.. إبراهيم: اللي عنده بطانية أحسن من اللي عنده فلوس.. ناصر: برد ده ولا انقلاب..أحمد: الجو جو أوربا والعيشة عيشة الصومال.. مودي: سبع بطاطين ودفاية والبرد واصل لقفايا

أشعلت موجة البرد الشديد الليلة الماضية روح المرح والفكاهة لدى نشطاء المواقع الاجتماعية، وانطلقت آلاف التغريدات والبوستات تتحدث عن البرد، ما بين تغيير كلمات أغنية شهيرة لعمرو دياب مثل "وهى عاملة إيه في البرد ومين هون عليها التلج"، وتعليقات تسخر من سوء الأحوال الجوية والاقتصادية معا، مثل "نعيش جو أوربا وعيشة الصومال".

Abd Elrahman ‏: الناس النهارده ماشيين في الشوارع عاملين زي الكتاكيت المبلولة..
حبة تخاريف: إﺣـنا ﻣﺶ ﻫﻨـﺮﻭﺡ ﺍﻟﻘـﻄﺐ ﺍﻟـﺸﻤﺎﻟﻰ ﺍﻟﻘﻄﺐ ﺍﻟﺸـﻤﺎﻟﻰ ﻫﻮ ﺍﻟﻠﻰ ﻫﻴﺠﻴلنا..
moudy‏:::: سبع بطاطين ودفاية والبرد واصل لقفايا..

Ahmed Fayez ‏: المطر والبرد رائعان لكل من له بيت يأويه، فليكن الله في عون كل اللاجئين السوريين والفلسطينيين والفقراء !!
Samy: اللى اتكلموا عن البرد النهارده أكتر من سكان قطر نفسهم.. 
إسلام السنين: الواحد كان نفسه يستحمي قبل الجو البرد ده والله، بس يلا بقا تتعوض الصيف الجاي..
مستكنيس: خد بالك عليا دى مش معاملة تعاملنى بيهاااا، عن البرد أتحدث..

محمد عبد الحميد: وربنا طب وربنا كمان مرة لنيمكوا من المغرب يا مصريين "البرد يتحدث".. 

kadry ‏:اللهم ابسط دفء رحمتك على الفقراء والمساكين في هذا البرد..
Mohamed El-Sawy ‏: وهى عاملة إيه في البرد، ومين هون عليها التلج!
elmasry ‏: عزيزي البرد: لقد فقدت الاتصال مع أصابع قدمي ويدى ضميرك مرتاح كده !

Eyhab:طبعا إليسا زمانها راحتله من سكات وسابتنا إحنا في البرد زى ما انتو شايفين..
Ahmed Zakrya ‏: عزيزي البرد عزيزتي الحرارة مينفعش تتجوزوا وتجبولنا حتة طقس معتدل نفرح بيه شوية..
Menna: الخميس12/12عطلة بالهيئات الحكومية وذلك الأحوال الجوية، المصدر أنا..
انتو مش عارفين إنكو نور عنيا ولا إيه..

RamyEleyan: البرد عاملنا حظر تجوال..
أحمد: الجو جو أوربا والعيشة عيشة الصومال.
Midomedhat: المنصورة والمحلة كان الهوا فيهم هو اللى بيمشيك مش رجلك حاسس بسقعة في دماغى..
المشاغب: عندك شريط للبرد؟" -"آه موجود حضرتك" -"طب شغله خلينا نسمع وندفى.."


صاحب صاحبه: حاسس إني هفتح الشباك هلاقي بطريق معدي من تحت..
Ebrahim Sa3ied ‏: اللى عنده بطانية أحسن من اللى عنده فلوس

Nasser ‏: برد ده ولا انقلاب !!
وها أنا أفعل: فين أيام ما كنا مفرهدين من الحر..

Hala Salem ‏: الواحد عايز يدخل التلاجة يدفي شوية ويخرج..
Ramy Nasr: الشتا هجم فجأة لقيتني بردت فجأة فتعبت من المفاجأة واتجمدت دمعتي.. 

ثورجى: وتـبدأ رحلة الـنط من سجادة لسجادة عشان الـسيراميك ساقع..