بكياااااااااااااااااااااااااااااا

ياما فى الجراب يا بكيا.. حد شارى.. حد بايع.. سبع صنايع.. والبخت ضايع.. أبيع أبيع كل البضايع.. حتى ‏‏المناصب.. حتى الرفايع.. وكل اللى عندى اسمه «بكيا»، وياما فى الجراب يا بكيا.. لو تبيعلى أو ‏‏«تبتاعلى‎» كله‎ ‎‏بكيا.. يلا بكيا.. يلا بكيا‎.. ‎يعنى مثلا عندى "صحيفة للبيع" .. الصحيفة متخصصة فى الكتابة عن ‏إنجازات لم تحدث.. كتابها متمرسون فى التضليل.. تقرؤها تعيش فى أجواء الخلافة.. على صفحاتها تم تحرير ‏القدس واحتلال أمريكا.. شعارها إذا كان الكذب منجيًا فنحن أهل له.. ها.. حد شارى.. حد عايز.. طب عندى ‏كمان فى الجراب إعلان من قناة سب الدين.. إحدى قنوات شركة التمسح فى الدين.. القناة تعلن عن طرح ‏المزايدة العلنية لبيع مذيع سلفى بمشتملاته من ملابس وذقون وعلامة صلاة وصوت جهورى.. محلى الصنع.. ‏نظام المظاريف المغلقة "مظروف فنى.. مظروف مالى" طبقًا لكراسة الشروط الشرعية.. ها.. حد ناوى.. حد ‏مستعد.. طب عندى كمان إعلان من الهيئة الشرعية لجماعة رز وملوخية.. بمناسبة التعديلات الوزارية.. الهيئة ‏تعلن عن فتح باب القيد فى سجل وزراء تحت الطلب.. ويمكن الحصول على كراسة الشروط نظير وشم على ‏الجبين وشعرتين فى منطقة الذقن.. ها.. حد هيتقدم.. طب حد ‏ناوى؟! .. كله عندى فى الجراب.. كله بكيا.. يلا ‏بكيا.. يلا بكيا.. حد عنده بكيا للبيع.. طب حد يشترى؟!.. ميعادنا ‏بكرة وبضاعة جديدة فى الجراب‎ !!‎