إنجيلا ميركل تبدو " مسخرة " في عيون محبيها !
علمت وكالة هريدي نيوز الإخبارية العالمية من مصدر ألماني- بيحكي مصري كأنه من شبرا- أن انجيلا ميركل اللي كانت بتبص للمعزول مرسي " " بصة مش ولابد لما كان بيبص في ساعته.. بقت مكسوفة ومحرجة جدا من كل محبيها بعد ما عملت مناظرة ضخمة وفظيعة مع شتاينبروك منافسها على منصب المستشار.
وشكله كده هو عقد الحظ بتاعها لأنها لبسته لما كانت بتحلف اليمين لتجديدها للمنصب.. بس عقد الحظ المرة دى اتحول لعقد النحس لأنها تحولت لمادة سخرية بين كل اللي بيحبوها وطبعا اللي ما بيحبوهاش قاموا معاها بالواجب وزيادة واتعملها هاشتاج مخصوص على تويتر سموه عقد ميركل.
ولو أن كان قصدها كويس لأن العقد على شكل علم المانيا لكن تأتي " العقود " بما لا تشتهي " المراكل " وخيرها في غيرها المرة الجاية ممكن نبعتلها عقد مصري من خان الخليلي !
