"اضحك كركر".. حملة "إخوانية" لمقاطعة البضائع المصرية.. مروة: ما تاخدوا الباب في إيديكوا.. فيدو: يعني هقاطع عم عبده صاحب الكشك.. سلامونتى: خلاص استوردوا "علف وبرسيم" من برّه
دشن عدد من النشطاء المنتمين للإخوان هاشتاج "مقاطعة البضائع المصرية" رفضًا للانقلاب، وطالبت عبير حبا بأن يكتب كل شخص عن البضائع التي من المفروض مقاطعتها، والغريب أن الهاشتاج استقطب العديد من المصريين الساخرين من المقاطعة ومطالبين الإخوان بألا يشربوا من مياه مصر وألا يأكلوا من أكلها، في حين وصفهم البعض بالخيانة وطالبوهم بمغادرة البلاد.
تقول مروة سلامة: "طب ما تاخدوا الباب في ايديكوا والقلب داعيلكوا بالمرة بقي".
خالد الدقهلية: يا ام نياظي، صحّي ابنك نياظي وقوليله إن انا خاين.. أيوه خاين، مالكيش دعوة انتي
واحنا كمصريين موافقين، ماتطلبوش مننا برسيم وعلف تاني يا أحفاد الهكسوس"
محمد القمحاوي: مقاطعة البضائع المصرية رفضا للانقلاب الإخوان هيقاطعوا التوحيد والنور؟ طبعا لأ لأن جنسيته إخوانجي.
ويسخر "فيدو أحمد" قائلًا: مقاطعة البضائع المصرية رفضا للانقلاب يعني هقاطع عم عبده صاحب الكشك والقهوة بتاعة عم نبيل لالالا انا مقدر استحمل كله الا الشيكولاتة كورونا"
ويضيف "سلاموتني": الإخوان عملوا حملة "مقاطعة البضائع المصرية رفضا للانقلاب " خلاص استوردوا علف وبرسيم من برّه ومالكوش دعوة بالمحصول بتاعنا"
"Tawfiles " مقاطعة البضائع المصرية رفضا للانقلاب هاهاهاهاها بجد ؟"
"على الشميري" لن تجني بحربِك على أهلك إلا هلاكك، ولن تقطع غير إفك".
وبغضب شديد يقول "أحمد فتحي": يلعن أبو الغباء وربنا مايحرمكم منه".
"علاء زيدان": طب وقاطعوا وﻻ لسه؟؟ هاتوا بضائع من الدنمارك وأمريكا المسيئين للرسول".
"Kareemba" مقاطعة البضائع المصرية رفضا للانقلاب هو عموما السجن مافيهوش غير بضائع مصرية، أمال هايجيبوا لسعادتك جبنة ريكفورد مثلا!"
وعلقت "فرح" على مقاطعة البضائع المصرية رفضا للانقلاب قائلة: إيه الهبل ده !!! طب هتاكلوا منين وتشربوا وتعيشوا فين أقولك روح على تركيا أحسنلك!"
وجاء تعليق "عبد الحميد أوك" قال: وما ذنب عصير القصب والكشري والطعمية يا كلاب".
وقالت hebogoodgirl ": "هي بلدنا حيلتها بضايع وانا معرفش.
ورد أدهم رامز "على حملة ﻣﻘﺎﻃﻌﺔ ﺍﻟﺒﻀﺎﺋﻊ ﺍﻟمصرﻳﺔ ﺭﻓﻀﺎ ﻟاﻧﻘﻼﺏ قائلًا: انت اهبل يلا ولا شكلك كده".
شيماء كمال: يلا يا... منك ليه بس اوعى تشرب من النيل أو تسكن ف بيوت مصر ولا تقعد ف مصر من الأساس".
روحوا أفغانستان.. هكذا علق "أحمد ويجو أبو مالك" على حملة الإخوان لمقاطعة البضائع المصرية رفضا للانقلاب وقال: والنبي لتقاطعوا الميه والهوا كمان وشوفولكوا صحرا في أفغانستان كده تلمكوا جماعة واطية مع بعضكوا !"
وقال بدر السليمي: مقاطعة البضائع المصرية رفضا للانقلاب من بيقاطعها مثلا هل التجار أم من.. لو بكيفي كنت قاطعت منتجات الدنمارك اللى سابه أشرف الخلق.
وقالتayuya " " مقاطعة البضائع المصرية رفضا للانقلاب فلوسكوا كتير هاتشتروا المستورد طيب مصلحة عشان الأسعار ترخص للغلابة"
ويقول arom4: "مقاطعة البضائع المصرية رفضا للانقلاب حمار برخصة وجاسوس برخصة ابدع هذا الهاشتاج المفرط فالغباوة ناقص تقولنا تبرعوا لإسرائيل رفضا للانقلاب".
"هبة خفاجي" علقت قائلة: مقاطعة البضائع المصرية رفضا للانقلاب اخطف رجلك لغزة وروح اشتري البضائع الإسرائيلية يا حيلتها"
sotaita7sabo" "اللب السوري الجبنة الإسطنبولي الليفة المغربية أوعى الحاجات دي تخدعك أخي في المرسي.. دي مصرية بس متنكرة".
هشام صلاح: " يا اهبل انت كشفت نفسك انك مش مصرى أو اخوانى".
"جيهان جابر": اوكي يبقي نقاطع جهينة يا ولاد ولانشون حلواني هههههههههه دي المنتجات الوحيدة المصرية اللي بتكسب"
