"كلام الحظر"
الناس بصراحة شكلها ما بقتش تقدر تستغني عن الحظر وبقوا حاسين كأنهم مولودين " محظورين " كدi عادي. وبقي كلام "الحظر" جزء لا يتجزأ من حياتهم اليومية:
الواحد دلوقتي بقي بيتكلم كدi: _ طب هاكلمك قبل "الحظر" بساعة.
_ الراجل بتاع العيش بيقفل قبل الحظر بساعتين.
_ خلينا نتكلم في وقت "الحظر" عشان الواحد بيبقي فاضي.
_ المسلسل اللي بيجي أول "الحظر" حلو أوي.
_ هاصحي آخر" الحظر" واكلمك.
_ مش عارف ليه بيجيلي مغص في نص "الحظر" بالظبط.
_ أنا هاعمل عيد ميلادي الساعة 2 "حظرا".
_ مش كل يوم يفوتني الظهر وأصليه في "الحظر"
والأدهي والأمر أن كل مجهودات تنظيم الأسرة خلال السنين اللي فاتت دي كلها مهددة بالضياع بسبب قول الرجال لزوجاتهم "ساعة الحظر ما تتعوضش" !
