السيسي: لو الناس عرفت الحكاية هتبقى داعمة وصامدة وصابرة وأنا قوي بالمصريين
حفل إفطار الأسرة المصرية، دعت سيدة بحفل إفطار الأسرة، للرئيس عبد الفتاح السيسي، قائلة:"ربنا معاك ياريس وربنا يخليك لينا".
ورد الرئيس السيسي خلال حفل إفطار الأسرة المصرية:"ربنا معانا كلنا..إن شاء الله قلبي حديد، قلبي حديد بالله وبالناس، وفي كل حادثة إرهابية كانت بتمر علينا في السنوات الماضية ملقتش مرة واحدة خلال لقاءاتي في الجيش والشرطة سيدة مصرية زوجة كانت أو أم وجت قالت لي كلمة تؤلمني علي سقوط ابنها الشهيد أو مصاب محصلش والصلابة جاية من هنا والقلب الحديد من هنا انا انسان، ولو حد ضايقني انا هتأثر لإني انسان، وباسجل الاحترام والتقدير والاعجاب بكل مصري ومصرية وقفوا مع البلد 9 سنين معاناة، فيه دول قعدت تكافح الارهاب 20 سنة ومنجحتش انما احنا بتكاتفنا ودعمناقضينا عليه بفضل الله وبفضل الناس، الحمد لله ربنا ازاح عننا هذه الغمة غمة الإرهاب".
ودعا مصري للرئيس السيسي:"تحيا مصر بيك يا ريس"، ليرد السيسي:"تحيا مصر بالله".
ولفتت:"احنا معاكم يا مصريينن ووقفة الشعب في التحديات الاقتصادية اللي كانت واللي مكلمة تقدر ودي سبب قلبي الحديد، مفيش مسئول قوي الا بالناس، وساعة ما الناس تخلت عنه لو عنده كرامة يمشي ويسيبها".
ولفت السيسي:"نحن في مرحلة بها تطور كبير جدا تمس منطقتنا واحنا محتاجين نتكلم مع بعض اكتر من خلال استمرار الحوار الوطني وممكن نجابه أي تحدي خارجي ونتجاوز مخاطره بإن كتلة مصر والمواطن البسيط وكل الناس وشرائح المجتمع ان المرحلة اللي احنا فيها نكون مع بعض".
وتابع:"لو الناس كلها فهمت كل شرائح المجتمع عرفت الحكاية هتبقى داعمة وقادرة وصامدة وصابرة في دعم المسار اللي احنا ماشيين فيه، وكنت حريص جدا خلال الفترة اللي توليت فيه المسئولية وبقيت مسئول معاكم اني اتكلم بكل صراحة وشفافية ومخبتش عليكم حاجة، ودايما احنا بنخلي الناس كلها شايفة معانا مش المفكرين والمثقفين والمسئولين بس هما اللي عارفني، المواطن المصري البسيط ذكي ولماح ومسئول".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
