منى زكي عن فيلم رحلة 404: ما كنتش متخيلة إنه +18 وخفت بعد التصوير (فيديو)
منى زكي، قالت الفنانة منى زكي: "فيلم رحلة 404، للكبار فقط بس ما كنتش متخيلة إنه +18 ولكن كنت متخيلة إنه يبقى +16".
وأضاف خلال لقائها ببرنامج “الحكاية” المذاع على قناة “إم بي سي مصر”: "ما كنتش خايفة من الفيلم قبل لما أعملها، ومن أول يوم قرأت العمل وانا حبيته وشفت فلسفة وراه، وبعد لما صورنا شوية ابتديت أخاف وأفهم يعني إيه هجوم، وإن الناس هيطلعوني على المسرح وخفت شوية".
شخصية الفيلم
وتابعت: "وجود هاني خليفة كمخرج للفيلم طمأنني لإني عارفة هو بيفكر إزاي وطريقته في الإخراج، وهو عايز في النهاية نوصل للشخصية".
وأكدت منى زكي: "أنا مش بتاعت إيرادات.. والمهم إني أعجب الناس".
تعليق المخرج هاني خليفة
من جانبه، علق المخرج هاني خليفة مخرج فيلم رحلة 404: "مفيش فيلم عملت مش للكبار فقط، من أيام سهر الليالي، وأنا للكبار فقط، وما كانش في دماغي التصنيف العمري، والأهم إن العمل يبقى مختلف ويظهر بالشكل اللي في دماغنا بس هو الفيلم غير مناسب خالص للأطفال".
في وقت سابق، قالت الفنانة منى زكي: "فيلم رحلة 404 كان عندي الورق بتاعه من 2013 ومن وقتها وجذبني فيه الكتابة الحلوة والشخصيات والفلسفة وراء القصة".
فيلم رحلة 404
وأضافت خلال لقائها ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "الورق كنا حلو وانبسطت بالفيلم، ولما بدأنا نفكر في تصوير الفيلم، وقتها حملت في ابني الوسطاني والمشروع بدأ يتعرقل وطول الوقت كنا بندور على شركة إنتاج وكل منتج يقرأها يقول لنا حلو أوي بس أنا مش هقدر أنتجه لإنه مش هيبقى قريب للناس".
حمل وإجهاض منى زكي
وتابعت: "حدوتة الفيلم مختلفة لكن الفلسفة اللي وراها ممكن تبقى قريبة من أي حد في الدنيا، وقعدنا سنين نتأخر في تصوير العمل، ولما عرفت إني حامل كان قبل وقت التصوير بيوم واحد، وكان جوايا مأساة إني تصوير الفيلم هيتأخر، وقتها قلت للمخرج هاني خليفة أنا عايز أقولك إني حامل قال لي ده كويس قلت له لأ مش كويس لإننا كده هنأجل تصوير الفيلم، قبلها كنت حملت كذا مرة والجنين كان بيقع فقلت الحمل ده هيعطلني عن الفيلم والحمل مش هيكمل في الآخر ولكن الحمد لله كمل وأنجبت ابني الوسطاني".
مشكلة المنتجين مع رحلة 404
وأشارت منى زكي: "زهقنا من إننا ما كناش لاقيين منتج لفيلم رحلة 404، لحد لما محمد حفظي قرر يدخل في الإنتاج ومن هنا بدأت الرحلة اللي بجد تشتغل".
سينما داود عبد السيد
ولفتت: "حسيت إن الفيلم شبه السينما اللي بيقدمها الأستاذ داود عبد السيد وكان عندي الإحساس ده تجاه الورق، وما كنتش قلقان من العمل".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
