أنا..

أنا
عاوز أتقدم... عاوز أتكلم... أنا مش عايش بس أتألم
لزمًا أشكى... وحتمًا أحكى... أنا مش جاى العالم أبكى
قلبى اتمرر... سيبنى أتحرر... أنا مش عاجز لأ أنا أقدر
عيشتك جرم... وكلها ظلم... سجن وضلمة وحاجة تغم
خدعة كبيرة... وكدبة حقيرة... زيك زى الحاجة العيرة
تقبل تنقد... تبعد تطرد... زى ما تزرع زى ما تحصد
كل طريق... ظلمت برئ... سبته يمر في فخ ردئ
مش من حقك... مش ح أسمح لك... تصبح سيد وأصبح عبدك
زمنك فات... وحلمك مات... عمرك ولىّ وغيرك آت
خلصت بانت... شكلها هانت... صرخة ووصلت بعد ما عانت