رئيس التحرير
عصام كامل
Advertisements
Advertisements
Advertisements

عمرو أديب يعلق علي تعاطف حفيظ دراجي مع الجزائر.. ويوجه رسالة للمصريين|فيديو

عمرو أديب
عمرو أديب

وجه الإعلامي عمرو أديب  رسالة قوية للمصريين، بسبب الهجوم العنيف علي منتخب مصر رغم صعوده لدور الـ 16 ببطولة الأمم الأفريقية.

دعم حفيظ دراجي للجزائر

وقال عمرو أديب ببرنامج “الحكاية” المذاع علي قناة “إم بي سي مصر”::"كلنا شوفنا ماتش الجزائر مع ساحل العاج وأيا كانت ملاحظاتنا مع المعلق حفيظ دراجي اللى كان بيعلق كان متعاطف مع بلده جدا لدرجة انه قال إن الجزائر مخسرتش البطولة اللى خسرت ان الجزائر خرجت، وقال ايضا عايز استقبال الأبطال للجزائر اللى مغلوبة 3 وممكن كانت تبقى 4 و5 واتغلبت ماتشين واتعادلت ماتش".

 

تعاطف غير طبيعي


وتابع:"انا مليش دعوة بالأخ المعلق اللى متعاطف مع بلاده بطريقة غير طبيعية، اللى استغربتله انه خلص ماتش الجزائر ولقيت المصريين بيقولوا هو احنا هنقدر علي كوت ديفوار دا احنا اول ما ننزل الماتش هنتغلب وهنقع ومعندناش لاعيبة وكيروش مبيفهمش حاجة، وهنتبهدل".
 

هجوم غير مبرر علي المنتخب

وأضاف:"ازاي بنهاجم منتخبنا واحنا كسبانين وصاعدين امال لو مغلوب كنتوا عملتوا ايه، تكسير مقاديف من الدرجة الأولي، ويقولوا هو صلاح بيلعب خالص ده خايف علي نفسه والمدرب هيفضل شغال بعبدالله السعيد، والماتش هيبدأ الساعة 6 واستنوهم الساعة 4 الصبح، طيب حطوا نفسكم مكان اللاعيبة".

افضلية لاعبي مصر علي رياض محرز

ولفت:"استنوا لم يتغلبوا وبعدين ابقوا حفلوا عليهم انما الناس بتقول بسم الله وبه نستعين تقولولهم لأ مش هتكسبوا، امبارح رياض محرز ضيع البنالتي المعلق قاله ولا يهمك انت عظيم ومحصلتش واقفوا جنبه، وانت عندك فرقة فيها 100 رياض محرز هو صلاح قليل ولا الشناوي قليل ولا النني قليل ولا الونش قليل ولا احمد حجازي قليل ولا محمد عبد المنعم الصاعد قليل، ولا شريف الحريف قليل، كلهم جامدين ".
 

دعم منتخب مصر

واستطرد:"استنوا عليهم لما يتغلبوا وبعدين ابقوا قطعوا، انا مش قادر افهم ازاي بتقطعوا في اللاعيبة قبل لما تلعب، اقفوا جنبهم واعطوهم ريق حلو".

واردف:"اشمعنا الجزائريين كده وأنتوا انهزاميين كده.. أحنا هنلعب بعد كام يوم وأنت بتعمل في لعيبتك كده.. ادوهم ثقة.. انتوا الجمهور".

Advertisements
الجريدة الرسمية