شيخ الحارة لـ صالح جمعة: مقضيها وعلى طول الكاس في إيدك بأمارة الخميس اللي فات

سيطرت حالة من التوتر علي صالح جمعة لاعب نادي سيراميكا، بعد الاتهام الذي وجهه له "شيخ الحارة" ببرنامج "شيخ الحارة والجريئة" الذي تقدمه المخرجة ايناس الدغيدي.

شرب الخمور
وواجه "شيخ الحارة" صالح جمعة:"مقضيها و على طول الكاس في إيدك بأمارة الخميس اللي فات..أيام الأهلي كنت بتشرب وانت متداري وبتخبي الخمرة في كنزاية ومقضيها شرب دلوقتي مع سيراميكا بقيت تشرب والكاس في ايدك عادي جدا".




وعلق صالح جمعة:"موضوع الشرب ملهوش علاقة بالنادي الأهلي وسيراميكا..وانا دلوقتي اتغيرت".

صالح جمعة
وقال صالح جمعة لاعب نادي سيراميكا في نفس اللقاء، إنه لا صحة لما تردد من اتهامات له حول ملاحقته الراقصة صوفينار.

أزمة صوفينار
وتابع:"كان فيه رسالة من صوفينار وبعتتلى بوسة و3 ورود وانا رديت بقلبين".

وأكد:"اتقابلت أنا وصوفينار مرة مع ناس صحاب وبعدها بعتتلي ومعايا سكرين شوت ".

حادث الزمالك
وعن الحادث الشهير في الزمالك، أوضح:"الحادثة كانت بسيطة ونزلت مع الشخص اللي عربيته تضررت وعرضت عليه اصلاحها فطلب تعويض مالي كبير فقلت له نروح قسم الشرطة وهو كان واقف في شارع ضيق جدا بعد المطب وواقف صف تاني علي اليمين وعربيته محصلش لها حاجة وانا اللى عربيتي اتبهدلت فقررنا نروح القسم".



حقيقة شرب الخمور
وأكد:"أنا مبشربش خمور دلوقتي مفيش الا في فترة مؤقتة في البرتغال خلال فترة احتراف سنة ونصف وبعدها مبقتش اشرف حاجة".