سمير غانم: مديحة كامل الوحيدة اللي عاكستها.. وهذا كان ردها | فيديو

كشف الفنان سمير غانم كواليس من حياته خلال فترة المراهقة، قائلًا: "من أول ما كان سني 15 لحد 17 كانت حياتي دندرة وشقاوة في بني سويف، وفي العمارة كانت فوقينا بنت قمر أبوها يوناني، وكنت بحلم أنها الجو بتاعي وحب أفلاطوني ولكن مكنتش معبراني".

وتابع خلال لقائه ببرنامج "السيرة" الذي تقدمه الإعلامية وفاء الكيلاني بقناة "دي إم سي": "أسرة البنت اليونانية كانوا فاتحين مطعم، وكنت أتمشي لحد المطعم بس مكنش معايا فلوس أدخل ومكناش بنهتم بالمصروف لأن كل حاجة كانت موجودة ومتوفرة".



وأكمل: "خلال مراهقتي محبتش غير البنت اليونانية دي وبعدين مدرستي كانت كلها أولاد.. وبعدين أنا خجول جدًا وعمري ما أعاكس واحدة نهائي.. الوحيدة اللي عاكستها كانت الفنانة الراحلة مديحة كامل لما شوفتها في إسكندرية وكانت حاجة زي القمر، وقلت لها إنتي زي القمر، وقالتلي ربنا يخليك".

وتابع: "اكتشفت مديحة كامل أيام إسكندرية، وجمعنا لقاء في إسكتش كنا بنمثله".