مخرجة فيلم "مش أنا" تشكر تامر حسني: مصنع الطاقة الإيجابية

وجهت المخرجة الشابة سارة وفيق عبر صفحتها الشخصية على موقع التواصل الاجتماعي "فيس بوك"، رسالة شكر للنجم تامر حسني، بعد انتهائهما من تصوير فيلم "مش أنا".

وكتبت سارة وفيق قائلة: "من ساعة ما خلصت تصوير الفيلم وأنا عاوزه أكتب حاجة لتامر حسنى.. بس كل ماجى أكتب حاجة أحس إن الكلام مش هيوفيه حقه فى وقوفه جمبى وإيمانه بيا من أول الفرصة العظيمة اللى أدهالى مرورا بوقوفه فى ضهرى أثناء تصوير الفيلم ودعمه الدائم ليا ومساندته فى كل تفصيلة فى الشغل وخوفه عليا.. شكراً أخويا تامر حسنى إنك ادتنى فرصه العمر وربنا يكتبلنا النجاح زى ما حلمنا تامر حسنى مصنع الطاقة الإيجابية".                                

فيلم "مش أنا" بطولة تامر حسنى، ماجد الكدوانى، سوسن بدر، حلا شيحة، بالاضافة لعدد كبير من الفنانين.. الفيلم قصة وسيناريو وحوار تامر حسنى، وإخراج سارة وفيق.