أحمد إبراهيم بعد انفصاله عن أنغام: كل اللى يجيبه ربنا خير

علق الموزع الموسيقي أحمد إبراهيم على أزمته الأخيرة التي تفاعلت معها السوشيال ميديا بعد إنفصاله عن أنغام، معقبًا:"أنا مش مهتم بالضجة اللي حصلت وبركز في شغلي".

وتابع خلال لقائه ببرنامج "مساء دي إم سي" الذي يقدمه الإعلامي رامي رضوان علي قناة "دي إم سي" :"كل اللي يجيبه ربنا خير ولكني متفاجيء من كلام الناس واتصالاتهم"، لافتًا إلي أنه حريص دومًا علي تقديم أغاني تترك إنطباعًا إيجابيا عند الجمهور.

وعن انفصاله عن أنغام علق قائلًا:"كل انسان فى الدنيا داخله خير وشر وكنت حريص على عدم إدخال حياتى الشخصية مع المهنيه و الأزمة الأخيرة أظهرت لى نوايا ناس كثيرين استكتروا عليه ان الضوء اتسلط علي وانا لو محتاج  للشهرة كنت ظهرت فى برامج من زمان وتحدثت عن اعمالى الفنيه". 

وتابع:" أعذر كل الناس اللى هاجمتني ومش عرفاني كويس كموزع موسيقي ناجح واندهشت من رد فعلهم  وبالأخص "انى لسه ببدأ "و"عايز اشتهر " ونسيوا شغلي علي مدار 18 سنة".